Ayeri, alantróse la Foguera de San Xuan pa cellebrar la fin del cursu y ciclu de los neños mayores de la Escuela d’Educación Infantil Dolores Medio d’Uviéu.
Nel actu participaron más d’un cientu d’escolinos de 0 a 3 años coles sos families, nel que recibieron regalos, asina como tamién les mayestres. Llueu hebo parolada de la direutora, d’un pá, una má y delles mayestres amás d'una espicha nel patiu abiertu de la Escuela.
Entamó dempués, na plaza esterior, un conciertu folc del grupu La Bandina y la Folixa celta del Fueu embobinada pol Bardu Errante, que finó con una gran danza prima y la quema'l Cuélebre. Estes caberes actividaes foron n’asturianu dafechu y finaron a les once la nueche, con gran ésitu ente’l públicu asistente.
Foi una fiesta encantadora de despidida de "Villadolores" pa los neños de trés añito na qu'esfrutaron abondo colos sos pas, el profesores como organizadores de l'eventu, y acompañantes. Hubo momentos d'emotividá grande y de convivencia dignes de ser resaltaes. Los neños y neñes nun van escaecer lo que tamién supunxo la so xornada d'iniciación a la nuechi celta cola música en vivu de La Bandina y a la foguera de San Xuan (antemanada) dirigía pol protocolu maxestáticu del Bardu Errante y cola danza prima cerrando la fiesta que siguió a la ceremonia. Aplausos asgaya a el profesores y collaboradores.
ResponderEliminarPrestóme abondo compartir esta folixa colos neños, familiares y compañeres. Una xuntanza que culminó cola quema'l cuélebre como ritu de despidida de la nuesa escuelina del pueblín de Villadolores. Gracies a La Bandina y al Bardu Errante por acompanganos nesta nueche máxica que trescalará siempres na nuesa memoria.
ResponderEliminarTuvo too perbién organizau y faciendu patria que ye importante. La foguera col barcu xigante montau poles profesores y vixilada siempres por Protección Civil. Gracies en nome de los neños y neñes y los sos pás.
ResponderEliminarMagnífica festa, pel que es veu. Felicitats!
ResponderEliminarMunches gracies David. Si se ficiera en toles escueles del país, la nuesa cultura taría normalizada.
ResponderEliminarUn aciertu.
ResponderEliminar