El Conseyu Escolar del Estáu reconoz l'asturianu

Suatea llogra que'l Conseyu Escolar reconoza l'asturianu.
Gracies a una enmienda del sindicatu Suatea, l'Informe sobre l'estáu y situación del sistema educativu va recoyer la llingua asturiana. Nesti informe danse datos sobre la situación de les llingües del Estáu nel sistema educativu nun apartáu que dende va años llamábase IV.2.10. Les llingües oficiales nel sistema educativu, pero qu'agora, pola enmienda presentada por Beatriz Quirós nel plenu del Conseyu Escolar del Estáu, esti apartáu pasa a llamase IV.2.10. Les llingües oficiales y propies de las comunidaes autónomas nel sistema educativu.

Nesti apartáu clasifíquense los datos d’escolarización que se dan de caúna d’elles en cuatro modelos llingüísticos, según s’empleguen les llingües como instrumentu d’enseñanza y aprendimientu. Según el sindicatu, el cambiu supón un pasu alantre na reconocencia del nuesu patrimoniu llingüísticu «qu’enantes nun se vía reflexáu nel epígrafe y agora algama’l mesmu estatus llingüísticu que les otres llingües». Asina, anque nel informe se reconocía la esistencia del asturianu, nun se daba nengún datu sobre la so escolarización nin del tipu de modelu d’enseñu que se sigue nel nuesu país. Amás, depués de conocer los datos del sistema asturianu, Suatea denuncia la «ruindá» de la escolarización depués de 30 años de «promoción obligada de la nuesa llingua pol Estatutu d’Autonomía».

Fonte: Les Noticies