“Pa nós los resultaos son secundarios; vamos falar con tol mundu pa pidir la oficialidá”.
Carlos Pulgar, voceru del CAO, nun quier facer valoraciones sobre los resultaos de les elleiciones “hasta conocer l’organigrama de Gobiernu y la política llinguística que va siguir”. El coleutivu va continuar cola petición de reuniones pa falar sobre la oficialidá. “Los resultaos son los que son y pa nós son secundarios porque vamos falar con tol mundu pa pidir la oficialidá”, asegura Pulgar, que señaló que’l Conceyu Abiertu pola Oficialidá (CAO) nun quier valorar la situación política actual n’Asturies hasta que “nun se conoza l’organigrama de Gobiernu y la política llingüística que va siguir”.
Nesi sen, Foro Asturias Ciudadano (FAC) recoyía nel so programa elleutoral que “respeuto al idioma asturianu, va desenrrollase la regulación llegal vixente (Llei 1/1998, del 23 de marzu, d’usu y promoción del Bable/Asturianu)”. Pulgar, al ser entrugáu pola posibilidá de que FAC ponga en valor esta llei que n’actualidá nun se cumple en tolos sos puntos, señaló que “el movimientu demuéstrase andando” y repitió qu’hai qu’esperar a conocer la política llingüística que vaya a tomar el partíu d’Álvarez-Cascos.
Fonte: Asturies.com
¿ú puen vese los resultaos nacionales y por conceyos?
ResponderEliminarAsturies Lliberal ta espublizando los resultaos d'Asturies y conceyu a conceyu. Les señes son http://lliberal.wordpress.com/
ResponderEliminarA ver si ye verdá d'una vegada que consíguese la oficialidá y la normalización de la llingua, al no tar yá caciqueando los nefastos collacios de Tini el mandorgas. Costó munchu trabayu echalos y mandalos al paru -da-yos el so perbon merecíu a esta banda- y agora vien la hora de la oficialidá. Una vegada llográu l'allampáu y costosu cambéu políticu, alantre con tan noble y necesariu trámite llingüísticu que tien que resultar muncho más fácil.
ResponderEliminarXuaco gracies pola información, envalórasete no que vale...
ResponderEliminar