La presidenta de l’Academia de la Llingua Asturiana (ALLA), Ana Cano, dio anuncia nel so discursu institucional nel Teatru Campoamor, el vienres pasáu, de la espublización d’una nueva revista académica, “CIENCIES. Cartafueyos Asturianos de Ciencia y Teunoloxía”, una revista dixital, que surde, con periodicidá añal y baxo la direición del académicu Carlos Lastra, “col oxetu d’esparder socialmente los avances científicos y teunolóxicos”.
Cano anunció que’l pruyimientu de l’ALLA “ye poder presentala nes próximes Xornaes d’Estudiu que se fairán n’Uviéu los díes 8, 9 y 10 de payares”. Nella, esplicó “asitiáranse de mou preferente los conteníos científicos que baxo’l formatu de conferencies se desendolquen dientro del programa formativu de la Universidá Asturiana de Branu”. El númberu 1 ta yá zarráu y Cano dixo esperar con esta iniciativa “dar rempuesta afayadiza al pidimientu que se mos fixo en 2010 dientro de les Xornaes d’Estudiu”.
Fonte: Asturnews
Revistir Ciencies... de l'ALLAS y el so director Carlos Lastra ye una plataforma pernecesaria y llargamente esperada por muncha xente como toma de contacto y d'esposición de la ciencia asturiana que va irradiar dientro y escontra fuera d'Asturies que según Ana Cano ta a puntu de ver la lluz. Llarga vida a "Ciencies. Cartafueyos Asturianos de Ciencia y Teunoloxía" y felicidaes a l'ALLA, munchos ésitos al so director y a los sos collaboradores.
ResponderEliminar