La FNAC de Parque Principáu cumple 10 años y pa cellebralo convoquen un concursu de rellatos n'asturianu. A él van poder presentase toles persones que quieran con obres orixinales ya inédites n'asturianu y non premiaes n'otros concursos. El tema va ser llibre y la obra ganadora va formar parte del primer llibru de rellatos n'asturianu espublizáu pola FNAC.
Van poder presentase a esti concursu siete exemplares orixinales, mecanografiaos o a ordenador con lletra de 12 puntos, formatu DIN A-4 per una cara y a doble espaciu, con un mínimu de 5 fueyes y un máximu de 10, ensin firmar. Han presentase acompangaos d'un sobre peslláu onde tien que figurar el seudónimu del autor. Nel interior del sobre tien que constar el nome y apellíos del autor, DNI, fecha de nacencia, domiciliu, teléfonu y un currículum vitae curtiu.
Les obres han remitise per corréu o entregase personalmente enantes del 15 de xunu de 2011. El xuráu va ser designáu pola direición del centru ente persones de prestixu reconocíu dientro del mundu lliterariu. El premiu va fallase'l día 30 de xunu.
Fonte: RTPA-Estaya d’asturianu
lo que-yos fai falta en FNAC ye un cursu d'asturianu a los empleaos que trabayen ehí.
ResponderEliminarA la entruga d'una moza de que si quería faeme la tarxeta sociu, respondí: ¿ye de baldre?.
Rempuesta: ¿eh?
Yo:¿que si ye gratis?
Bono paezme una noticia interesante qu'una multinacional como fnac sofite'l asturianu aunque ye verdá tamién que fanc tien una programación y una mercancía bastante alternativa. Pos eso qu'espero qu'esa iniciativa nun sea solamente mercadéu y tenga un sofitu verdaderu.
ResponderEliminarPa ser sinceru soi bastante escépticu y me quedo Paraxuga, Paradiso etc.
Ye una bona idega favoratible al asturianu de FNAC hom... no toes les coses van tar escontra, les bones idegues hai que teneles en cuenta, fomentales y aplaudiles.
ResponderEliminarcontradicense teniendo como tienen arrequexaos los llibros n'asturianu na tienda.
ResponderEliminarNun podíen ponelos más pal fondo non.
Paez que too son pegues y non vemos el bon pasu dao pal asturianu.
ResponderEliminarl'únicu pasu bonu ye cuando l'asturianu tea ensin discriminar, n'igualdá de condiciones tanto físicamente(nes llibreríes) como na alministración, colexos, medios de comunicación,.... esa ye la única bona notícia, tolo demás caxigalines de quedar bien.Y arriendes d'eso tamién con discriminación pero positiva.
ResponderEliminarHi que ser positivos y saber apreciar lo de bonu que tien la midida tomada por fnac, pue ser un entamu del cambéu que toos esperamos y deseyamos.
ResponderEliminarMunches llibreríes y comercios d'Asturies nun vienden llibro nun vienden llibros n'asturianu nin faen concursos d'esti tipu nin d'otru y FNAC sí... entós de qué o porqué quexáisvos? ¿qué de clase de campaña toca agora? dalgunos nun saben nin lo que quieren solo protestar por tou y escontra tou lo que se mueva (d'un llao namás)
ResponderEliminarquexámonos porque agora paez que FNAC s'apunta al asturianu cuando lu marxina nes sos estanteríes.
ResponderEliminar