Toli Morilla ye pa la música asturiana d'anguaño la figura del cantautor na so más amplia espresión, l'estilu qu'amiesta ye un crucie afayadizu ente la música acústica de raigañu americanu, la canción d'autor, el folk y el llau intimista del rock.El so nuevu discu "Diez cantares de Bob Dylan n'asturianu" fai honor al so títulu con diez magnífiques versiones n'asturianu autorizaes personalmente por Bob Dylan.
Contién canciones mítiques como "Hurricane", "Knockin' On Heaven's Door" o "Don't Think Twice It's All Right" y ayalgues escuendíes como "The Man In Me" o "Sara", arropaes por una gran variedá de músicos ya instrumentos, con una producción impecable d'Alberto Rionda y Jorge Otero (Stormy Mondays) y el propiu artista.
Un discu pa tolos públicos, que nos permite averanos a esa parte de la obra de Dylan que siempres resultó más inaccesible: les sos lletres.
P’afondar na información:
http://www.tolimorilla.com/noticias/
http://www.tolimorilla.com/noticias/
El Toli fai'l so agostu en mayu.
ResponderEliminarMorilla ye'l cantautor por excelencia del Principáu y la xenuina trescripción de Dylan n'Asturies, ye'l meyor ¡puxa Toli!
ResponderEliminar¿Tas seguru rapacín? anguaño esisten pocos cantantes y munchos menos cantautores orixinales. Pero apaecen como hongos pléyades de "copiadores", "versionadores" y "adaptadores" d'ésitos d'otros, n'especial de famosos, ¿falta total y absoluta d'orixinalidá?
ResponderEliminarToli ye llistu y vivu nestos tiempos que cuerren tan duros y difíciles pal arte y n'especial pal mundín del cantar, hai que buscase la vida sía con Dylan o con quien sía. Fai perbién.
ResponderEliminarNun faigas casu Morilla, el negociu'l cantar ye'l negociu y puntu y la oportunidá col Dylan ye agora.
ResponderEliminar