Un añu más la cai Uría d’Uviéu conviértese nel centru de la reivindicación llingüística asturiana. A les 19:30 hores los participantes na manifestación pola oficialidá del asturianu van salir de estación de tren d’Uviéu, percorriendo la cai Uría fasta les puertes del Teatru Campoamor.Yá dientro del teatru uvieín, l’Academia de la Llingua Asturiana organiza la so tradicional Xunta Estraordinaria, col nomamientu del filólogu lleonés José Ramón Morala como Miembru d’Honor de l’ALLA y la reconocencia a la figura del ex ciclista Chechu Rubiera “pol so llabor d'encontu a la llingua y cultura del País”, amás d’actuaciones musicales.
“Da-y al play” ye’l llema pa la manifestación nesta ocasión. yá que dende la XPDLA ven nésti, el momentu “de movilizase pa poder exercer los nuestros drechos y posibilitar la salvación del asturianu”.
La cellebración del XXXII Día de les Lletres Asturianes va entamar a les 20,30 hores presentáu pola llocutora de la RPA, Sonia Avellaneda y el direutor d’ASTURNEWS, Próspero Morán, cuntando con un entamu musical a cargu del gaiteru Oscar Fernández González y del cantante José Manuel Collado y teniendo como pieslle l'actuación del grupu musical Xera.
Esta Xunta Estraordinaria de l'Academia de la Llingua Asturiana finará col discursu institucional de la presidenta, Ana María Cano González.
Esta Xunta Estraordinaria de l'Academia de la Llingua Asturiana finará col discursu institucional de la presidenta, Ana María Cano González.
Fonte: Asturnews
Toos y toes los asturianistes a la manifa de la cai Uría y que naide se quede na so casa nun di como güei porque nun hai escuses. Son poques lels ocasiones pa manifestanos en pro de la llingua. Toos a Uviéu pa primiri la ¿clase política? asturiana ¡que naide se arronche! tolos asturianos y asturianes a la cai detrás de la bandera asturiana y les gaites.
ResponderEliminarPa Tino ¿ónde taben esos cuarenta mil que dicíes? con bona voluntá unos cuatrocientos, asina nun vamos a nengún llao compañeru. Eso sí nun faltaron políticos que tán contra la llingua oficial como Trevín l'engata y Álvarez al so llau nel palcu del Campoamor o dalgunos otros que siempres callen nel tema la oficialidá (y otorguen) como Noemí y Suárez por casu, ye asina la política. Un conatu de "Da-y al play, movilízate", paezme.
ResponderEliminarHebo más de mil persones, qu'anque seyan poques, son más qu'unos cientos como diz Simpliciu.
ResponderEliminarNorabona pola organización que foi prácticamente perfecta, norabona a l'Academia de la Llingua pol so esfuerzu y calidá según polos intervinientes, magnífica la manifa y magníficu l'actu nel Campoamor magar la innecesaria presenciai de políticos faciendu pésimu teatru.
ResponderEliminarhttp://www.youtube.com/watch?v=9Chupj5kfms
ResponderEliminarcon Maria Cotiello, la de "Vivir en tiempos revueltos".
ehí moza... tu sí que vales
La manifa d'Uviéu tuvo perbién pero ¿pa qué cosadiella tuvieron los políticos nel actu'l Campoamor? Oficialidá nel intre.
ResponderEliminar