30/5/11

N'ast pide a Foru Asturies la oficialidá del asturianu "si'l so rexonalismu ye sinceru"

L’Asociación Cultural N’Ast, con motivu de la victoria del Foro Asturias nes eleiciones autonómiques, asoleyó un comunicáu nel que desixe a la formación d'Álvarez Cascos la oficialidá. Pa N'Ast, el nuevu escenariu políticu "presenta la gran nota positiva de francer cola dinámica bipartidista y sucursalista de los pasaos trenta años" asistiendo por primer vegada "a una seria posibilidá de que la xestión de les instituciones autonómiques respuenda a analises, polítiques y oxetivos centraos nes necesidaes y problemes específicos de la sociedá asturiana".
Poro, pa N'Ast el Foro Asturias, y el so principal dirixente, Francisco Álvarez-Cascos Fernández, tienen "la gran responsabilidá d'entamar un procesu de reestructuración qu'encare los grandes retos del nuesu País en tolos campos: social, económicu, cultural, etc" y no que se refier al campu cultural y llingüísticu, "si'l Sr. Francisco Álvarez-Cascos Fernández quier ser mínimamente consecuente col discursu rexonalista qu'utilizó nos caberos meses, tien que dar un xiru de 180º a les polítiques públiques esistentes anguaño" y nesi sentíu una midida "urxente, central ya imprescindible" pa recuperar “l'arguyu de ser asturianos” y poner fin a una situación "d'esquizofrenia identitaria y de negación de los drechos civiles de los asturfalantes, ye'l dotar a la llingua asturiana del estatus xurídicu de la oficialidá".
N'Ast remata la so nota prensa afirmando que "si'l rexonalismu manifestáu pol Sr. Francisco Álvarez-Cascos Fernández ye sinceru y nun respuende a una simple maniobra d'oportunismu elleutoralista, nestos momentos tien la obligación moral d'asitiar como ún de los puntos prioritarios de la so axenda política'l negociar un procesu de reforma estatutaria qu'incluya la Oficialidá de la llingua".
Fonte: Asturnews

Espublizáu orixinalmente por Llugás

5 comentarios:

  1. Pregunta des de l'altre mar (per no dir ignorància): hi ha alguna possibilitat que el Foro aposti per l'oficialitat?

    ResponderEliminar
  2. La so postura oficial ye: en principiu non, anque maticen que si hai mayoría na Xunta Xeneral (Parllamentu Asturianu), entós sí. Dicen que van desendolcar la Llei d'Usu del Bable/Asturianu de momentu.

    ResponderEliminar
  3. Cola Llei d'Usu del Asturianu pueden faese munches coses inclusive llegar casi a la oficialida el problema ye que si llegue otra persona inclusive del mesmu partíu con idees distintes eso puede desaparecer cosa que nun sucedería cola oficialida a la que taríen suxetos tolos partíos y persones.
    Sobre lo de foro soi escépticu pero puede dase el casu que dixi enantes que delles persones que van nes sos llistes arréyense de verdá non solo cola llingua sinón cola cultura asturiana y faigan coses importantes ver veremos xente comprometia hasta agora con la cultura asturiana tienen

    ResponderEliminar
  4. Anque garraren el determín pola oficialidá la suma de diputaos autonómicos sedría de 20(16 FAC+4IX) frente a 25 (15PSOE+10PP). Namái si FAC llograre negociala col PP llograríase la mayoría parllamentaria que lo fadría dable (30 énte 15).

    ResponderEliminar

Los comentarios tán pendientes de moderación. Espublizaránse lo primero dable.