22/5/11

Polos drechos llingüísticos d'Asturies

La mesma Constitución española pon nidiamente nel so artículu 3.2:
“Las demás lenguas españolas serán también oficiales en las respectivas Comunidades Autónomas de acuerdo con sus Estatutos.”

Por embargu, n’Asturies nun se cumple’l drechu llingüísticu a la oficialidá de la llingua asturiana dende que s’aprebó la Constitución. La primer selmana de mayu’l gobiernu del Principáu cellebraba la 32 Selmana de les Lletres Asturianes, mentes que la llingua asturiana s’estudia na Universidá d’Uviéu, la mayoría de los conceyos tienen la toponimia asturiana oficial y toles encuestes feches son mayoritariamente favoratibles a la oficialidá.

El Reinu d’España quédase a medies na so pluralidá cultural mentes nun reconoza la oficialidá del asturianu, y ésta depende de la so aprebación nel Estatutu d’Autonomía. Ye precisu reconocer a la nuesa nacionalidá hestórica cola so llingua propia como oficial, polo qu’agora, los cuasi 400.000 asturfalantes carecen una discriminación diaria.

Dende ésti blogue naguamos pola oficialidá del asturianu, neto a la que yá esiste pa más del 40 % de la población del Estáu español, en Galicia, País Vascu, Navarra, Cataluña, Valencia y Baleares.

1 comentario:

  1. la gran decepción22 de mayo de 2011, 12:26

    L'artículu 3.2 de la Constitución Española nun se cumple n'Asturies "gracies" al amor propiu escontra'l asturianu de los nuesos políticos, cola so alma vendía pa poder salir na foto y asina siguir viviendo ensin dar golpe'l restu la lexisllatura y si ye posible nes prósimes tamién y porqué non, si déxen-yos los votantes y los sos xefes centrales, el restu les sos vides n'Asturies, en Madrid o en Bruxeles, ensin tener en cuenta pa nada a quien confiaron nellos y votar. Fai falta'l cumplimiento del artículu 3.2 esto ye la reconocencia llegal y l'oficialidá darréu.

    ResponderEliminar

Los comentarios tán pendientes de moderación. Espublizaránse lo primero dable.