NEL SO ÚLTIMU AÑU COMO PRESIDENTE
Álvarez Areces participa la primer vegada na llectura institucional de testos n'asturianu de la Selmana de Les Lletres Asturianes.
El presidente del Gobiernu asturianu, Vicente Álvarez Areces, participó la primer vegada esti miércoles na llectura institucional de testos n'asturianu qu'esta mañana, como tolos años, cellebróse na Xunta Xeneral del Principáu, por cuenta de la Selmana de Les Lletres.
Fontes de la Xunta confirmaron que yera la primer vegada, nos sos doce años de presidencia, qu'Areces participaba nesti actu, nel que tomaron parte diputaos autonómicos, amás de representantes d'organismos públicos, como la presidenta de l'Academia de la Llingua, el reutor de la Universidá d'Uviéu o la direutora xeneral de Política Llingüística.
Areces tomó la pallabra de segundes, tres la presentación y llectura de la presidenta de la Xunta, María Jesús Álvarez, pa lleer 'Acabación', del poeta llangreanu Mánfer de la Llera, al que se dedica esti añu la Selmana de Les Lletres.
El presidente asturianu recordó que conoció personalmente al escritor, del que destacó "los sos valores, el so compromisu y la so capacidá d'influyir nel mundu que-y tocó vivir".
El responsable del gobiernu autonómicu entamó asina una llectura pola que fueron pasando cares conocíes de la vida política y social asturiana, cultivando nos sos testos la temática minera que caracterizó la obra Mánfer de la Llera.
Asina, el conseyeru d'Educación, Herminio Sastre, lleyó 'Con Rosa na carbonera', de Carmen Gómez Ojea; el diputáu del Bloque por Asturies, Roberto Colunga, recitó 'La muyer del mineru', de Sabel Tuñón Ces; el diputáu del PP, Joaquín Aréstegui, lleyó 'Dicíen', de Ricardo Candás; el diputáu d'IX Verdes, Jesús Iglesias, lleyó 'Acebache', d'Iris Díaz Trancho; y el rector de la Universidá d'Uviéu, Vicente Gotor, lleyó 'Tradición', de Vicente García Oliva.
La mayor parte de los testos lleyíos tán incluyíos nel volume 'Cuántu carbón saldría', que recueye testos d'autores asturianos homenaxando a De La Llera. Pero non toos. El presidente del Conseyu de Comunidaes Asturianes, Manuel Fernández de la Cera, fiel al so estilu, lleyó un testu d'ellaboración propia, escritu en fala occidental, nel que contó la hestoria d'un emigrante asturianu qu'acabó tamién trabayando baxo tierra, pero non na mina, sinón nel metru de Buenos Aires.
Na llectura tamién tomaron parte los trés fíos del poeta reconocíu: Efrén, Vital y Ramón d'Andrés Díaz. Los dos últimos lleyeron testos del so padre, mientres que'l primeru quiso tener una alcordanza pa otru poeta desapaecíu, Nel Amaro, fináu hai malpenes un mes.
Álvarez Areces participa la primer vegada na llectura institucional de testos n'asturianu de la Selmana de Les Lletres Asturianes.
El presidente del Gobiernu asturianu, Vicente Álvarez Areces, participó la primer vegada esti miércoles na llectura institucional de testos n'asturianu qu'esta mañana, como tolos años, cellebróse na Xunta Xeneral del Principáu, por cuenta de la Selmana de Les Lletres.
Fontes de la Xunta confirmaron que yera la primer vegada, nos sos doce años de presidencia, qu'Areces participaba nesti actu, nel que tomaron parte diputaos autonómicos, amás de representantes d'organismos públicos, como la presidenta de l'Academia de la Llingua, el reutor de la Universidá d'Uviéu o la direutora xeneral de Política Llingüística.
Areces tomó la pallabra de segundes, tres la presentación y llectura de la presidenta de la Xunta, María Jesús Álvarez, pa lleer 'Acabación', del poeta llangreanu Mánfer de la Llera, al que se dedica esti añu la Selmana de Les Lletres.
El presidente asturianu recordó que conoció personalmente al escritor, del que destacó "los sos valores, el so compromisu y la so capacidá d'influyir nel mundu que-y tocó vivir".
El responsable del gobiernu autonómicu entamó asina una llectura pola que fueron pasando cares conocíes de la vida política y social asturiana, cultivando nos sos testos la temática minera que caracterizó la obra Mánfer de la Llera.
Asina, el conseyeru d'Educación, Herminio Sastre, lleyó 'Con Rosa na carbonera', de Carmen Gómez Ojea; el diputáu del Bloque por Asturies, Roberto Colunga, recitó 'La muyer del mineru', de Sabel Tuñón Ces; el diputáu del PP, Joaquín Aréstegui, lleyó 'Dicíen', de Ricardo Candás; el diputáu d'IX Verdes, Jesús Iglesias, lleyó 'Acebache', d'Iris Díaz Trancho; y el rector de la Universidá d'Uviéu, Vicente Gotor, lleyó 'Tradición', de Vicente García Oliva.
La mayor parte de los testos lleyíos tán incluyíos nel volume 'Cuántu carbón saldría', que recueye testos d'autores asturianos homenaxando a De La Llera. Pero non toos. El presidente del Conseyu de Comunidaes Asturianes, Manuel Fernández de la Cera, fiel al so estilu, lleyó un testu d'ellaboración propia, escritu en fala occidental, nel que contó la hestoria d'un emigrante asturianu qu'acabó tamién trabayando baxo tierra, pero non na mina, sinón nel metru de Buenos Aires.
Na llectura tamién tomaron parte los trés fíos del poeta reconocíu: Efrén, Vital y Ramón d'Andrés Díaz. Los dos últimos lleyeron testos del so padre, mientres que'l primeru quiso tener una alcordanza pa otru poeta desapaecíu, Nel Amaro, fináu hai malpenes un mes.
Fonte: Europa Press
una cosa ye lleer un testu y otra falalu de cutio. A ver si tamos énte'l primer pasu de l'apertura vistes de la guardia pretoriana de la FSA.
ResponderEliminarYo esto nun se como interpretalo si pa bien o pa mal me explico que Tini dempués de negar durante tol so mandatu o réxime como queráis llamalo la oficialidá a si como facela de menos fai una reflexón y quier reconciliase un poco con esti detalle o polo contrario ye una afirmación del so pensar y quier dicinos qu'esto ye lo máximo que consiguimos durante toos estos años. Déxame con un mar de duldes
ResponderEliminarNon home non,pawez mentira que'l fatón mentirosu torne engañar otra vegada, qué inocentes o qué ¿inxenuidá?, campaña electoral namás... lo mesmu que la por casu perxurada lliberación del Güerna en delles campañes electorales pasaes. Toa mentires, nun va perder el galgu cazador los sos mañes anque se faiga vieyu y famión.
ResponderEliminarVaya cínicu y falsu que ye'l paisanu. Tola llexislatura xorrascandu en contra la llingua y agora apaez como la so paladín lleendo (que non falando) asturianu nun actu públicu ya inaugurando plaques a Mánfer en La Llera por cuenta la Selmana les Lletres Asturianes. Solo fálta-y cantar asturianaes nos chigres nes aldegues pidiendu'l votu pal psoe o vestise d'aldeanu. Con políticos asina vamos llistos.
ResponderEliminarCola prosimidá de les ellecciones toos tórnanse asturianistes, falantes, y defensores de la llingua asturiana a estazón, hasta los que la atacaron y suburdiaron hasta ayeri mesmu por activa o por pasividá manifiesta. Tendríen que celebrase una vegada al mes a ver si asina proclamaben entre toos ellos la oficialidá de la llingua.
ResponderEliminarLo del Tinón ye tou un casu dignu d'estudiu bien profundu.
ResponderEliminarYe que agora los "socialistos" tórnanse falantes y tamién los de ixunía que tuvieron callaínos cuatro años seguíos, el votu ye'l votu amiguín...
ResponderEliminar