Alberto Álvarez-Peña faise col Premiu Fierro-Botas.
Una obra sobre les creyencies paganes y la so rellación cola cultura, que l’etnógrafu, escritor y dibuxante Alberto Álvarez Peña presentó baxo’l títulu «Mitoloxía de los santos n’Asturies. Raigaños paganos nel cristianismu», resultó gallardonada col cuartu premiu d’ensayu y trabayos d’investigación Fierro Botas, que convoca la conceyalía d’Educación y Cultura del Conceyu de Xixón.
Un xuráu, formáu por Jaime González-Fierro, profesor de secundaria y representante de la familia González-Fierro, Miguel Ramos Corrada, vicepresidente de l’Academia de la Llingua Asturiana,Montserrat Machicado Company, especialista en llingua asturiana y responsable de la Estaya de la Llingua del Ayuntamientu d’Avilés, Humberto Gonzali, escritor y xestor cultural y miembru del RIDEA, María Xosé Rodríguez, Responsable de la Oficina municipal de la LLingua del Ayuntamientu de Xixón y actuando como Secretaria, y presidíu por Xosé Nel Riesgo, Direutor de la Fundación Municipal de Cultura, Educación y Universidá Popular del Conceyu de Xixón, falló esti xueves el premiu, en conceyu fechu nun restorán xixonés, otorgándolu a la obra mentada que se presentó col nomatu Bardión.
El Premiu Fierro Botas ta dotáu con 4.000 euros n’efectivo y cola publicación del trabayu ganador. N’otres ocasiones resultaron ganadores Rafael Rodríguez Valdés o Javier Cubero de Vicente.
Fonte: Asturnews
Pol enforma y supermerecíu méritu acumuláu mientres munchos años de infatigable trabayu por Albertu Álvarez Peña, somos munchos n'Asturies los que pensamos que ta bien otorgáu y con toa xusticia'l premio Fierro Botas. Norabona, Bertu.
ResponderEliminarEsti trabayu que merez y enforma IV premio Fierro-Botas ye la punta del iceberg del inmensu trabayu realizáu por Bertu Peña. Salú pa siguir nesa llínea ensin esmorecimientu.
ResponderEliminarAllegrándome pola publicación del llibru y pol fallu, anque nel xuráu haya polo menos dos amigos manifiestos del premiáu lo qu’atapez enforma la validez del premiu, sobretou pa comprobar efeutivamente si l’autor considera a Cuadonga como un “mitu cántabru” según la propia terminoloxía usada por esti escelente dibuxante que ye’l sr. Álvarez Peña.
ResponderEliminarLos de Belenos nunca entendieron qué ye eso del "nacionalismu asturianu" porque vienen de onde vienen, en xeneral, de la LCR y el comunismu internacional, que, con tolos mios respetos, nun yeren nin són nacionalistes asturianos.
ResponderEliminarAlantre, Bertu.
ResponderEliminar