24/11/11

I Concursu de postales navidiegues n'asturianu


Llaviana gueta felicitaciones navidiegues n’asturianu.

La Oficina de Normalización Llingüística del Conceyu de Llaviana convocó'l so primer concursu d'ellaboración de postales de navidá en llingua asturiana, dirixíu a los alumnos de los centros d'educación primaria del conceyu.

Con esta iniciativa guétase “avanzar na dignificación social del asturianu nun ámbitu tan importante como l'educativu: fomentando la presencia de la llingua asturiana na aula, promoviendo la trasmisión xeneracional del asturianu y previniendo l'abandonu de la llingua materna”.

Va haber trés categoríes y un premiu pa caúna d'elles; los premios van consistir nun llote de llibros pa cada ganador. Toles postales participantes van formar parte d'una esposición que va entender tol periodu de Navidá y que va tener llugar na Casa la Cultura de La Pola y na biblioteca de Los Barreros. El plazu d'entrega de los trabayos conclúi’l día 2 d'avientu. El concursu cunta cola ayuda de la Conseyería de Cultura y Deporte d'Asturies y l'Academia de la Llingua Asturiana.

Fonte: Asturnews

7 comentarios:

  1. Perguapa idea pa estes feches prósimes y amás n'asturianu...

    ResponderEliminar
  2. Ye un exemplu a siguir.

    ResponderEliminar
  3. Ye una idea magnífica pa realizala nos colexos y nos institutos públicos pa les fiestes navidiegues.

    ResponderEliminar
  4. (Con permisu de indalecios y tapines)
    Acabar de llevar a cabu esta idega de concurso de postales navidiegues aplicaes al deporte nel Grupu Cuadonga de Xixón con munchu ésitu y con unes postales ganadores precioses n'especial el primer premiu.

    ResponderEliminar
  5. Ye una bona idea pa llevala a cabu en munches estayas.

    ResponderEliminar
  6. A pesar de todos los pesares esta idea de los concursos de postales navidiegues ye bien común en munches aldegues asturianes, en munchos colexos d'infantil y primaria, en munches parroquies de la xeografía ástur y conenorme ésitu. Ye una tradición popular bien enraigonada que munchos se propunxeron enraigonar pero afortunadamente nun llogren.

    ResponderEliminar
  7. Como alministradores del blogue encamentamos usar los comentarios pal oxetivu del mesmu. Poro, esborriamos los alderiques que nun vienen a cuentu.

    ResponderEliminar

Los comentarios tán pendientes de moderación. Espublizaránse lo primero dable.