Pablo R. Guardado
L’Asociación Cultural Arfueyu ta acabante de facer públicu un escritu a l’Autoridá Portuaria d’Avilés pa reclamar l’usu correutu de la toponimia nes instalaciones portuaries. En concreto, céntrase na denominación del cai de L’Estrellín.
“L’Autoridad Portuaria del Puerto de Avilés ta incumpliendo la llexislación vixente al nun respetar la toponimia tradicional asturiana”, espresa Arfueyu nun comunicáu. El coleutivu fai referencia espresa al cai nuevu llevantáu na marxe drecha de la ría, que’l Puertu d’Avilés denomina en toles sos comunicaciones oficiales y páxina web como ‘muelle de Las Canteras’ “cuando’l topónimu tradicional ye L’Estrellín”.
Por esti motivu, reclama que se corrixa esti error y que’l puertu avilesín entame a utilizar la denominación correuta, esto ye, cai de L’Estrellín. D’igual forma, al ser la zona conocida como L’Estrellín cree conveniente que lo que l’Autoridá Portuaria noma ‘carretera de Las Canteras’ pase a llamase carretera de L’Estrellín.
Fonte: Asturies.com
Y de pasu tamién tolos topónimos del conceyu.
ResponderEliminar¿Avilés aprobara unes ordenances municipales pal usu del asturianu,non?
Los nomes de persona y los de llugar son lo único que paez que tienen una normalidá oficial n'esti país. Pero hai qu'anubrir el restu posibilidaes del idioma asturianu cola oficialidá nel Estatutu d'Autonomía.
ResponderEliminar¡reconocencia y oficialidá yá! tamos na espera...
ResponderEliminarEnforma ruiu y pocoñín de nueces...
ResponderEliminar