Presentóse nel Aula Magna de la Universidá d'Uviéu.
Un grupu d’inteleutuales asturianos ta acabante de recuperar el nome y l’espíritu de lo que foi’l Centru d’Estudios Asturianos, entidá qu’ayeri presentose públicamente, a les siete de la tardi nel Aula Magna de la Universidá d’Uviéu.
El primer Centru d’Estudios Asturianos foi una entidá cultural privada impulsada nes décaes primeres del sieglu XX por personalidaes de la talla de Juan Uría Ríu, Leopoldo Alas y Fermín Canella. Pero’l CEA y les sos actividaes sumen al españar la Guerra Civil.
Agora, un grupu d’asturianos quier recuperar el quefer del institutu y sirvir de plataforma pa los munchos estudios y trabayos que fuera y dientru d’Asturies realicen sobro’l país. Amás, ente los sos oxetivos figura la defensa de la cultura, la llingua y el patrimoniu asturianos. Tamién naz col enfotu, sigún los sos impulsores nuevos, de rializar un trabayu tresparente, coneutáu cola sociedá asturiana y coles redes nueves de comunicación.
El CEA ta presidíu pol economista David Rivas y empobináu por una xunta xestora de la que formen parte personalidaes diverses de la cultura nacional: Bras R. Álvarez Prieto, músicu; Alfonso Fanjul, arqueólogu; Alberto Álvarez Peña, etnógrafu, y José M. Vega, escritor asturianista.
Fonte: Aruelu.com
Ye la meyor y más grande noticia que podíamos tener los asturianos.
ResponderEliminarToos felices pola recuperación del Centru d'Estudios Asturianos como ente aglutinante de la intelectualidá asturiana nesta etapa que yá que sía definitiva.
ResponderEliminarLlarga vida y norabona pol finxu que ye una manera eficaz de faer Asturies, en quien muncha xente tien depositaes grandes esperances.
pos a mi estos nun me dan muncha seguranza, que quereis que vos diga
ResponderEliminarbueno, cola esceción de Bras que tampoco nun se que pinta ente esa xente