28/7/11

Nuevu Direutor Xeneral de Política Llingüística

El perfil asturianista del nuevu Direutor Xeneral de Política Llingüística
El nuevu Direutor Xeneral de Política Llingüística, Alfredo Ignacio Álvarez Menéndez nun ye una de les cares más visibles del asturianismu cultural, pero la so participación foi bien activa en dalgunos de los momentos claves pa la Filoloxía Asturiana. Álvarez Menéndez ye ún de los ponentes y co-redautor de la Gramática de la Llingua Asturiana, asoleyada pola ALLA en 1998, siendo miembru de la Comisión de Lexicografía y Normativización d’esta institución tolos años que duró'l llabor de la Gramática.

Amás foi dellos años profesor d'asturianu nel Títulu d'Especialista en Filoloxía Asturiana. Alfredo tuvo nes primeres plantilles d'esi Títulu d'Especialista, figurando nes pallabres clave del so currículu, que determinen les arees de trabayu académicu: gramática español, español como segunda llingua, dialeutoloxía, asturianu.

Tuvo involucráu en Cursos de Doctoráu d'Asturianu, como ún sobre'l Neutru de Materia que se dio va pocos años. Amás, ye coautor del llibru Diccionariu de Frecuencies Léxiques del Asturianu (1997), asoleyáu pola Academia de la Llingua Asturiana.

Ye coautor y editor del llibru “El asturiano en el teatro de Perfecto F. Usatorre”, onde espublizó un trabayu sobre les característiques del asturianu d'esi autor astur-cubanu. Nel añu 1994 foi ún de los supervisores llingüísticos, en representación de la Universidá, de les Propostas de Normas Ortográficas del Gallego-Asturiano. Ye autor d'un puñáu de conferencies, artículos, etc., sobre l'asturianu.

Fonte: asturnews

Más info: Les Noticies 1, Les Noticies 2

7 comentarios:

  1. Ye una perbona noticia que una persona esmolecida pola dignidá de la nuesa llingua seya'l Direutor X.Política Llingüística.Anque eso del gallegoasturiano.... entá ye una torga pa la unidá de la llingua.

    ResponderEliminar
  2. Pa la unidá de la llingua gallego-portuguesa, quedrás dicir, ¿non?

    ResponderEliminar
  3. Non non, rei: les peres y les mazanes nun sumen. Fai memoria de lo que dicía la seño na escuela.

    ResponderEliminar
  4. non home, nun son peres nin mazanes nin ye lo que dicía la seño na escuela ye lo que dicen los que saben d'esto, los filólogos y llingüístes.

    ResponderEliminar
  5. Ah, entós nun hai discusión, porque los filólogos y llingüistes lo que dicen ye qu'eso d'ente'l Navia y l'Eu ye gallego-portugués.

    ResponderEliminar
  6. Non toos, d'ehí la discusión.Dime dalgún d'ellos o dalgún estudiu que lo diga. ¿Y qué ye gallegu o portugués?

    ResponderEliminar

Los comentarios tán pendientes de moderación. Espublizaránse lo primero dable.