Xosé González González
Too son pilancos y palos pa la llingua y pa los falantes d’asturianu, non pue entendese la fonda vocación vanguardista qu'Asturies siempres tuvo frente al bable/asturianu y en defensa del castellán, ni l’estáu de desatención que los nuesos políticos tienen acutao pal asturianu, a estos da-yos igual qu’haya llexislación abondo, asina como directrices y alcuerdos que pidan el respetu y consideración pa la nuesa llingua.
Hai muncha xente "politicos incluyíos" que dicen que’l bable/asturianu ye una simple reliquia hestórica y que namas merez ser teníu en cuenta si esti s'usa modosamente y siempres respetando la divina llingua común, estos nieguen l'asturianu y defenden el castellán y non se trata de confrontar castellán y asturianu, "El que nun respeta la llingua asturiana como bien cultural, nun respeta la cultura asturiana nin respeta a Asturies".
Los drechos llinguisticos de los asturianos "falantes y non falantes" nun-yos importen n'absolutu, otres llingües de la Península ibérica, como'l gallegu, eusquera, catalán, valencianu etc.. si tienen el drechu a la oficialidá, pero non l’asturianu. "Nós nun tenemos esi drechu". Lo que-y fai falta al asturianu nun ye otra cosa que respetu, bona querencia y meyor intención por parte de la clas politica asturiana, dalgo que nos empobine a un consensu válidu sobre la llingua y sobre'l so usu.
N’Asturies nun tenemos una política llingüística en condiciones, lo idegal sedría una politica empobinada na recuperación y dignificación de la llingua asturiana. Ye preciso que el gobiernu del Principáu d’Asturies y les instituciones responsables faigan y lleven alantre una planificación llingüística axustada y eficaz, yá que tan obligaos por llei a tomar midíes pa facer efectiva "la recuperación y dignificación del asturianu", deben de convertise en normalizadores del usu de la llingua asturiana tantu na vida pública como privada.
Polo tanto la clas politica debe tener un papel fundamental na promoción del patrimoniu llingüísticu asturianu, na "difusión de la cultura y el fomentu de la llingua asturiana", ye dicir facer daque normal el usu de la llingua dientro de la sociedá, ya que too ello ye fundamental pa valorar lo propio y deprender a aprecialo.
L’asturianu ye patrimoniu de toos "falantes y non falantes" ye una ayalga qu’habemos curiar con procuru y tresmitir a les nueves xeneraciones nes meyores condiciones de sobrevivencia.
Ye'l nuesu deber protexer y da-y puxu a la nuesa llingua, seña d’identidá del nuesu pueblu. Nun podemos aceutar les decisiones politiques sobre la llingua asturiana "Callar una llingua, quiciabes sía'l primer pasu pal so posterior esterminiu"
¡! L’asturianu Llingua Oficial ¡! Haiga salú y puxu pa lluchar…
Fonte: Infoasturies
¡PUXA ASTURIES! ¡PUXA L'ASTURIANU! ¡LLINGUA OFICIAL!
ResponderEliminarLa LLINGUA ta afogada pol castellan, isa ye la realida güei n'Asturies.
ResponderEliminarAfogada polos mesmos asturianos,llenos de inorancia y comprexos.Non ven que non dir pola so coltura i elexir, como mediu de comunicacion al castellan, ye'd vergoña na mas!!!
Ye'l pueblu d'Asturies solo fechu de paguatos,ensin l'amor por so tierra,pola la so coltura? Iso paez,otros poblos trabayen polos sos valores, los asturianos traicionen so tierra!!!
eso ye lo ye Asturies y lo qu'hai n'Asturies.
ResponderEliminarNun tolos asturianos y asturianes somos paguatos rapaz, aunque dellos paez que sí lo sois. Sicasi toos y toes aman Asturies en profundidá, a la so tierrina y la so cultura. Pa velu sal de la to ciudá a les aldees y como fales mal d'Asturies a lo meyor nun sales guapu. Tamién ye verdá que muncha xente nun tien o nun sienten la necesidá de lluchar pola oficialidá de la so llingua, pasen, y ye una pena.
ResponderEliminarHai que lluchar na cai polo nuesu, pola oficialidá de la nuesa llingua porque naide va regalanos na y los políticos (de izquierdes o de dereches) menos.
ResponderEliminarentós nun tener o nun sentir la necesídá debe ser amar a Asturies. Manel, nu se quien ye más paguatu.
ResponderEliminarLa penúltima frase de la entrada de Xosé González, entrecomillá, ye más que premonitoria... hai que falar menos y faer munchu más pol asturianu.
ResponderEliminarEso ye Xosé: la llucha sigue. Pero tien que ser muncho más evidente, con muncha más xente mozo n'especial, y na cai que ye onde vense les coses y los medios préstanse a comunicalu/comentalu/discutilu más y meyor. Allantre cola llucha pola llingua asturiana que ye la nuesa, si nun lluchamos por ella nun lo va faer naide ya irá a menos, oficialidá yá.
ResponderEliminar¡Presión! fai falta muncha mayor presión pa llograr la reconocencia y oficialidá de la llingua, n'Asturies falta presión especialmente na cai por que la vean los políticos de vez.
ResponderEliminarPal anónimu d'enriba (él sí ye verdaero paguatu) hai un melecinatu en pastilles llamaes "espabilosán" que son perbones pala paguatería, pruébales que son perbones y espabilen de verdá y rápidu a la xente vulgar(de vulgu).
ResponderEliminarpos tu d'eses pastielles nun tomes nin. Tolo que diz Anónimo ye verdá y la verdá h.ode.
ResponderEliminar