Alberto Fabra, ex-alcalde de Castellón y presidente de la Comunidá Valenciana, dixo nuna entrevista n'El Periódico que va lluchar pa que TV3 –la televisión catalana– se pueda ver na so autonomía, lo mesmo que Canal 9 en Cataluña. Nun ye la primer vez que l'escoyíu pol PP pa sustituír a Francisco Camps se declara a favor de les emisiones recíproques de les canales autonómiques, tema polémicu na Comunidá Valenciana al obligar el Gobiernu autonómicu a ciarrar los emisores de TV3 qu'existíen na comunidá dende últimos de los 80. L'equipu municipal de Castellón qu'encabeza Fabra llegó a aprobar, por iniciativa del PSPV y Bloc y col apoyu del PP, una declaración institucional en favor de les emisiones de l'autonómica catalana. Otra manera, Fabra afirmó que nun podía ser «qu'a estes altures» se pongan llímites a la posibilidá d'escoyer el mediu de comunicación que se quier sintonizar.Fonte: Les Noticies
Ye lóxicu y normal, ye una perbona noticia.
ResponderEliminar