Dende que se punxo en marcha’l Programa de Llectoraos nel cursu 2004-2005, más de 5.000 estudiantes foron a clases d’eusquera y cultura vasca en 25 universidaes de 13 países. Amás, dende que l’Institutu Vascu Etxepare se fizo cargu del programa, alcordáronse cuatro nuevos llectoraos (Universidá de Stanford, Universidá de Liverpool, Universidá Adam Mackiewicz de Poznan y Universidá de Constanza) que se pondrán en marcha nel cursu 2011-2012. Otros dos (Universidá de la Sorbonne Nouvelle de París y Universidá de California-Santa Bárbara) tán en tramitación.
No que cinca a les cátedres, la viniente seronda pondráse en marcha la cátedra Koldo Mitxelena na Universidá de Chicago y en setiembre la cátedra Bernardo Atxaga na City University de Nueva York.
Pal Institutu Vascu Etxepare, el Programa de Llectoraos ye una “exa estratégica” na so actividá. Al rodiu d’esti programa xenérase toa una programación cultural y académica, y esto permite creyar un circuitu de la llingua y cultura vasques. En 2011 destinaránse 628.000 euros al desendolque del programa, un 50% más que nel exerciciu anterior.
Fonte: Euskararen Berripapera
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.