Ana Cano enfótase en que Cascos dea pasos alantre na normalización del asturianu.
Nuna entrevista espublizada en La Voz de Asturias la presidenta de l’Academia de la Llingua Asturiana, Ana Cano, faló de “novedá importante” al referise al discursu del nuevu Presidente d’Asturies, Francisco Álvarez-Cascos, “un interés en proyectar una Asturies asturianista”.
Cano espera que’l brinde de Cascos al diálogu coles fuercies polítiques pol consensu en temes importantes, “énte los qu'espera que s'atope l'asturianu”.
La presidenta espera que Cascos cumpla la so promesa de desenrrollar la Llei d’Usu del Asturianu. Sicasí Cano afirma que “xulgar polítiques ye inda prematuru”.
Ana Cano espera que Cascos use l’asturianu “Cualesquier presidente del Principáu tendría d'utilizar en dalgún momentu la llingua asturiana y especialmente nun discursu tan importante”.
Fonte: Asturnews
Ta bien porque l'Academia tien que dar pasos firmes y seguros frente al Foro de Cascos.
ResponderEliminar