11/4/13

El Ministeriu d'Educación confirma la responsabilidá del Gobiernu asturianu pa cola materia de Llingua Asturiana



Iniciativa recibió una carta del gabinete del ministru Wert que confirma que la responsabilidá de la presencia de la materia de Llingua Asturiana na Educación depende del Gobiernu asturianu. Ana González descartó avances nel so status.
Nel mes de febreru, Inaciu Galán, presidente d’Iniciativa pol Asturianu, desplazóse a Madrid col oxetu d’aconceyar con diputaos asturianos nel Congresu, viaxe qu’aprovechó pa entregar cartes nos ministerios d’Educación y Fomentu dirixíos a José Ignacio Wert y Ana Pastor, de manera respeutiva. Nel casu concretu de Cultura, la organización que trabaya pa la normalización del idioma treslladaba al ministru la dulda sobre “la situación na quedaría la llingua asturiana d’aprobase la nueva reforma educativa, solicitando una solución que permita que l’asignatura tea, polo menos, nes mesmes condiciones nes que ta agora, que yá son bastantes males –como yá espresó la vocalía d’Enseñu de la organización en numberoses ocasiones–, asina como la reconocencia de la especialidá d'asturianu pal profesoráu”.
Selmanes depués, conocíase’l conteníu del tercer anteproyeutu de la Llei Orgánica pa la Meyora de la Calidá Educativa (LOMCE), que recoyía la situación del asturianu al tener en cuenta les llingües non oficiales con reconocimientu xurídicu y presencia na educación. Nesi momentu, el Sindicatu Unitariu y Autónomu de Trabayadores de la Enseñanza d’Asturies (SUATEA) adelantaba que la responsabilidá d’establecer el status de l’asignatura de Llingua Asturiana y Gallego-asturiana yera del Gobiernu asturianu, dalgo que’l Ministeriu d’Educación, Cultural y Deporte confirma agora nesta carta de respuesta a Iniciativa pol Asturianu.
Nun comunicáu, esti coleutivu torna a recordar al Executivu “la necesidá de siguir avanzando na presencia del asturianu nes escueles ya institutos. La solución ideal vendría cola oficialidá del asturianu y cola correspondiente normativa, pero, mientres, ye necesario avanzar y que s’introduza l’asturianu como llingua vehicular nes escueles,  pelo menos en dalgunes asignatures, asina como facer de la materia d’asturianu, una asignatura xeneral, normal, que compartan tolos alumnos asturianos, y non una materia que vive n’absoluta precariedá, como hasta agora”. Queden por conocer les intenciones reales del Gobiernu pa cola asignatura, pero la intención de la conseyera d’Educación, Cultura y Deporte, Ana González, ye dexala “polo menos como taba hasta agora”, según confirmó nun conceyu con representantes Asamblea de Maestros de Llingua Asturiana y Gallego-asturiana, lo que nun da pie a pensar en pasos alantre na situación de la materia nel sistema educativu.
Presencia del idioma na web ministerial
La carta del gabinete del ministru Wert tamién faise ecu de la demanda d’Iniciativa del Asturianu d’incorporar a la web del ministeriu la llingua asturiana xunto col inglés y el restu de llingües oficiales. Nesi sen, afirmen que treslladaron la solicitú a la Subsecretaría. “Pa Iniciativa pol Asturianu ye importante esti tipu de presencia del idioma, que supón da-y cierta normalidá na alministración, yá qu’agora la llingua asturiana ta marxinada con respectu al restu de llingües del estáu”, señala’l coleutivu.
Fonte: Asturies.com

15 comentarios:

  1. Toos sabemos con claridá meridana y perbién onde y en quien anicia la responsabilidá la falta d'oficialidá del asturianu asina como la negativa radical escontra tou lo que güela a la llingua asturiana.
    Nun lo deamos más vueltes.

    ResponderEliminar
  2. Xosé Melcón Bayón11 de abril de 2013, 19:30

    Una iniciativa magnífica del gobiernu central, como nun podía ser d'otra manera dada la solvencia del Sr Ministru.

    ResponderEliminar
  3. Ye el gobiernu asturianu el que nun quier la oficialidá, Melcón.

    ResponderEliminar
  4. Xosé Melcón Bayón12 de abril de 2013, 3:33

    Por eso recalco la magnífica iniciativa del gobiernu central y del so ministru, el señor Wert.
    Mui bona iniciativa. Impecable.

    ResponderEliminar
  5. Empezó la tortielles triperu parlanchín pepro los sos escelsos alumnos siguen perbiénlos sos pasos y les sos estratexes torticeres p'acabar colo que queda de la llingua asturiana. Pero paez que munchos asturianos tán contentos y bien a gustu nel machucu porque los siguen votando.
    ¿Qué ta pasando n'Asturies se mueve?

    ResponderEliminar
  6. Dices bien collaciu, ¿qué ta pasando n'Asturies que naide, pero naide naide, se mueve pola llingua? Ónde ta l'ALLA escelsa y escoyía madre ¿madrasca? y ónde ta la xente asturfalante que naide osa movese pola llingua, ¿va ser el so destín la so estinción ensin remediu?

    ResponderEliminar
  7. Y echaben les culpes a la Llei Wert...

    ResponderEliminar
  8. Trampes y más trampes12 de abril de 2013, 18:58

    Trampes como siempres.

    ResponderEliminar
  9. L'ALLA yá se sabe ónde ta, porque lo dixo públicamente la so presidenta: encantaos y contentísimos colo receptivu que ye en cuestión llingüística esti gobiernu, y en particular el so presidente. Revisái les hemeroteques, que tán muncho bien pa entender lo que pasa:
    http://www.elcomercio.es/v/20120727/cultura/cano-califica-positiva-primera-20120727.html

    Pa los que nun sepan traducir el llinguaxe del Kremlin, digo de l'Academia, eso quier dicir que tán mui contentos porque-yos xubieron l'asignación económica.

    ResponderEliminar
  10. Jo sempre he cregut que al govern espanyol li importa ben poc si l'asturià es declara oficial o no. De tenir quatre a tenir cinc llengües cooficials no hi ha cap diferència. En tot cas, si hi ha algú que està en contra de l'oficialitat activament és a dins d'Asturies. Activament... i incomprensiblement per a mi.

    ResponderEliminar
  11. Totalmente acertáu, el problema ye que la xente asturiano nun paez nin esmolese nin movese del sillón, l'enemigu ta dientro.

    ResponderEliminar
  12. Muncho falar tomando la sidrina y bien pocu faer, esa ye la dura realidá.

    ResponderEliminar
  13. Xosé Melcón Bayón tien razón porque ye un home cargáo de razones.

    ResponderEliminar

Los comentarios tán pendientes de moderación. Espublizaránse lo primero dable.