El Festival de Cine Asturianu cellebró la so octava edición esti miércoles nel Teatru Filarmónica, cola película “Un contrato extraño” de la realizadora Teresa Marcos y el curtiumetraxe “La mujer del hatillo gris” del director Luis Trapiello como les obres ganadores. Demientres, Premiu al Meyor Documental recayó na obra titulada "SOMBRA" del realizador ovetense Juan Caunedo, un testimoniu gráficu de les muyeres socialistes militantes de la JSU que sufrieron la represión y tortura depués de la Guerra de 1936.
Premiu a la Meyor Actriz foi pa Olga Montero pol papel de “Un contrato extraño” y el del Meyor Actor pa David S. Cabal pola so actuación na mesma película. Según desplicaron na gala, "“Un contrato extraño” ye la primer película de la realizadora Teresa Marcos, nacida en Cangues d’Onís, premiada yá anteriormente nel Festival de Cine Asturianu por cutriumetraxes como “Llencería d’ocasión” y “Por tar contigo”. Nesta película la realizadora vuelve a inspirase en temes non mui gratos pa la sociedá conservadora, nesti casu la prostitución masculina, pa recrear unos personaxes que xueguen ente la realidá y la ficción a través d’unos diálogos mui creíbles".
En cuantes al Premiu d’Honor d’esta edición, foi pal actor allandés recientemente fallecíu Frank Braña (La Puela d’Allande 1934 – Collado Villalba 2012) actor de llarga trayectoria que dedicó tola so vida al cine y trabayó per tol mundu en más de 167 producciones, munches d’elles películes d’aventures, d’acción y del oeste. La repentina muerte de Frank Braña en febreru de 2012 impidió qu’acudiera en persona como ye vezu a entregar los premios principales del Festival y por ello decidióse aplazar la 8ª edición del Festival de Cine Asturianu pal añu siguiente.
Fonte: Infoasturies.
Bona información del eventu, y yá que esti Festival de Cine Asturianu, agora na so octava edición, siga teniendo una llonxeva continuidá magar les estrechures y a los retayos económicos qu'impón la situación actual nel sector cultural.
ResponderEliminarBona llabor.
ResponderEliminarMagníficu llabor del wate Vilareyo, ún de los nuesos valores más sólidos.
ResponderEliminarVilareyo muévese y trabaya pol Festival.
ResponderEliminarVilareyo muévese como naide.
ResponderEliminar