Un añu más, organizaciones polítiques, sociales, culturales y toa triba de persones, van salir a les cais d'Uviéu pa reclamar la oficialidá de la llingua asturiana. Sedrá esti vienres, 3 de mayu, de magar les siete la tarde y con salida dende la Estación del Norte d'Uviéu, percorriendo la cai Uría hasta'l Teatru Campoamor. La Xunta pola Defensa de la la Llingua Asturiana convoca esta manifestación.
Darréu d'esta manifestación, l'Academia de la Llingua Asturiana (ALLA), celebra'l XXXIV Día de les Lletres Asturianes a les 20,30 hores nel Teatru Campoamor d'Uviéu.
Nel actu acoyeráse como nuevu académicu correspondiente al profesor Don David Melendi Palacio, doctor n’Inxeniería Informática y profesor del área d’Inxeniería Telemática de la Universidá d’Uviéu, onde vien desendolcando’l so llabor investigador, siendo ún de los principales promotores na anovación de la llingua asturiana nes nueves teunoloxíes.
Esta Xunta Estraordinaria de l'Academia de la Llingua Asturiana finará col discursu institucional de la presidenta, Dª Ana María Cano González.
L'actu, pal que la entrada ye llibre, como davezu, tará presentáu por Sonia Avellaneda y Próspero Morán, direutor d'ASTURNEWS y cuntará con un entamu musical a cargu del gaiteru Álvaro Cueto. Como pieslle tendrá l'actuación del cantautor Toli Morilla.
|
Ye'l día de la llingua asturiana y hai que dir a la manifa en masa, tol mundu a Uviéu a decantase y significase claramente pola llingua, yá que ye una de les poques ocasiones qu'esisten mientres l'añu pa ello.
ResponderEliminarYe pernecesariu qu'allegue muncha xente porque les fuerces polítiques, "la dorada y rica clase política", del país entérense bien de lo que piensen y sienten la xente asturiano d'a pies ensin papes na boca nin reserves nin sides d'escasu creitu, si llueve a esgaya como si fai sol, porque nun podemos quedanos en casa esti día.
Preparái les banderes asturianes y les gaites pero tamién los xiblatos, porque nos oigan perbién cuantimás los del Psoe y los de IX glayar pola OFICIALIDÁ.
Tán perbién los actos oficiales academicistes pero la oficialidá gánase-y a los políticos antiasturianistes manifestándose na cai munches vegaes, non una sola y muy guapa, y con munchu ruiu.
ResponderEliminarOficialidá darréu.
ResponderEliminarA ver si llegamos a ochocientes persones. Yo firmaba yá.
ResponderEliminarSalíi vós a pasiar el santu. Yo paso.
ResponderEliminarPaez que son meyores les charres de chigre alrodiu d'un culín de sidra y col culu bien apegáu a la siella ¿non?, ye meyor criticar abondo a tol mundu qu'arimar el hombreo ¿a qué sí?
ResponderEliminarSigue asin,amiguín, que vas iguar bien el mundu que bien critiques tando sentáu ensín movete pa nun foliate por naide nin por nada.
Nin asturianos asina nin nada. Esa manifestación ye una procesión que cae a plazu fixu, tan probe de xente como d'idees. Y el que quiera, que me demuestre lo contrario.
ResponderEliminarTamos na espera d'otres que nun lleguen ¿cuándo les entamáis? tamos esperando provecíos p'allegar... ¡¡¡avisái!!!
ResponderEliminar¡manifes de verdá pol asturianu! oficialidá darréu.
ResponderEliminarTípica respuesta: "y tu más". Mui bien, gran nivel. Les manifestaciones que yo entame yá te les contaré cuando toque. Pero agora mira ver si demuestres que lo del Día les Lletres nun ye una procesión.
ResponderEliminar