25/4/13

David Melendi Palacio va ser nomáu miembru correspondiente de l'ALLA

David Melendi va ser nomáu miembru correspondiente de l'Academia de la Llingua Asturiana
David Melendi Palacio

   David Melendi Palacio, profesor de la Universidá d'Uviéu, va ser nomáu miembru correspondiente de l'Academia de la Llingua Asturiana (ALLA) el vienres 3 de mayu y dientro del tradicional actu entamáu por esta institución nel Teatru Campoamor d'Uviéu. Melendi foi Decanu del Colexu Oficial d'Informáticos del Principáu d'Asturies y anguaño ye profesor titular de Universidá nel área de la inxenería telemática. Los sos trabayos alredor del asturianu lleváronlu a formar parte de proyectos d'investigación como'l Proyectu Eslema y la so posterior aplicación al traductor col mesmu nome.

   Habitual ente'l profesoráu de los cursos de la Universidá Asturiana de Branu de l'ALLA, xunto a Xosé Antón González Riaño y a Xabiel García Pañeda asoleyó en Lletres Asturianes "Estudiu sobro l'emplegu del DALLA on-line. Un averamientu sociollingüísticu". Amás, participó de la ellaboración de la "Terminoloxía d'Internet y d'interfaces pa programes informáticos en llingua asturiana" asoleyada pola institución.

   Nel ámbitu universitariu ye Director del Área d'Aplicaciones de Xestión y miembru de la Comisión de Normalización Llingüística de la Universidá d'Uviéu.

   Nel actu del Día de les Lletres que celebra l'Academia la selmana que vien, participará tamién el gaiteru Álvaro Cueto, abriendo la Xunta Estraordinaria, y Toli Morilla, pa poner el pieslle.

   Fonte:  Asturnews.

8 comentarios:

  1. Sabia nueva y renovación pa l'Academia.

    ResponderEliminar
  2. Sí, a ver si entren escurras nueves y un acercamientu a la fala de les xentes de la cai y na cai.

    ResponderEliminar
  3. Bueno, polo que yo sé, l'acercamientu d'esti home a la fala va mui despacín.
    Otros méritos tendrá, nun digo que non.

    ResponderEliminar
  4. Hai qu'esperar y llueu vamos ver nueves iniciatives nel desenvolvimientu de la llingua nel senu de l'Academia la Llingua.

    ResponderEliminar
  5. Falta averar eses nueses idees a la xente asturfalante de la cai y na cai.

    ResponderEliminar
  6. Yo creo que l'Academia va inmolase cuando lleguen los marcianos. Eso si nun faen como en Waco.

    ResponderEliminar
  7. Paciencia que toy va llegar de la man de Melendi Palacio como nuevu académicu.

    ResponderEliminar

Los comentarios tán pendientes de moderación. Espublizaránse lo primero dable.