L’Institutu d’Enseñanza Secundaria Virxe de Cuadonga de L’Entregu va acoyer dende’l 29 d’abril al 3 de mayu una esposición sobre los escritores de Samartín del Rei Aurelio. Na muestra incluyénse 10 paneles onde se fai un repasu de la biografía, obra y testos de distintos autores del conceyu como Xulio Arbesú, Pablo Rodríguez Medina, Chechu García o Manuel Asur, ente otros.
Amás, a lo llargo de la selmana l'alumnáu del centru va trabayar cuestiones rellacionaes colos conteníos d’esta esposición, y van ser ellos mesmos los que busquen y ellaboren información complementaria a la qu’ufierten los paneles. Asina, cartelos ellaboraos por ellos mesmos sobre estos autores van sirvir de complementu a la propia esposición.
Esta muestra forma parte del programa d’actividaes entamáu dende la Conceyalía de Cultura de Samartín del Rei Aurelio y la Oficina de Normalización Llingüística en collaboración con distintos centros educativos pa celebrar la XXXIV Selmana de les Lletres Asturianes.
Fonte: Asturnews.
Ye un taller vivu de lliteratura del entornu, bona idea.
ResponderEliminarSí que ye una perbona llabor educativa y cultural y ´meyor entá tratándose de escritores asturianos y del propio conceyu.
ResponderEliminarUna iniciativa estupenda.
ResponderEliminarVa inaugurase en curtios díes y va merecer bien la pena.
ResponderEliminar