Na seronda podrán registrase nomes de dominiu con carauteres propios del idioma de cada internauta. La Comisión Europea decidió modificar la llexislación comunitaria pa que los internautes puean utilizar plenamente les 23 llingües oficiales de la XE na Rede. D’esti mou, carauteres del idioma castellanu y l’asturianu como la "ñ", les tildes o la diéresis podrán utilizase nos dominios d’Internet ".eu". Tamién búlgaros, griegos y chipriotes podrán usar l’alfabeto cirílicu y griegu nesta triba de dominios.
Cuando se modifiquen les normatives, los usuarios podrán rexistrar los sos nomes de dominiu ".eu" colos carauteres propios del so idioma de magar la seronda. Pa ello deberán tar establecíos nún de los 27 Estaos miembros de la Xunión Europea.
Fasta agora, los ".eu" solo podíen tener carauteres de la "a" a la "z" (escluyida la "ñ"), díxitos del 0 al 9 y el signu "-". Asina, los checos namái podíen usar 27 de 42 carauteres y los llituanos, 23 de 32.
Con esta midida, Bruselles espera que se faiga más atractivu’l rexistru de dominios ".eu", que continúa espardiéndose dende abril de 2006. Anguaño hai unos tres millones de nomes ".eu" rexistrados en toa Europa, 70.000 d’ellos n’España.
El ".eu" tornóse nel dominiu de primer nivel más utilizáu n’Europa dempués del ".de" (Alemaña), ".uk" (Reinu Xuníu) y ".nl" (Holanda). Cataluña dispón d’un gran númberu d’usuarios del so dominiu .cat y n’Asturies el .ast entá nun pasó de la llinia d’una campaña.
El ".eu" tornóse nel dominiu de primer nivel más utilizáu n’Europa dempués del ".de" (Alemaña), ".uk" (Reinu Xuníu) y ".nl" (Holanda). Cataluña dispón d’un gran númberu d’usuarios del so dominiu .cat y n’Asturies el .ast entá nun pasó de la llinia d’una campaña.
Ye necesario que se retome el asuntu cola importacia que requier para poder usar algunos caracteres propios del asturianu. Sedría perimportante nun dexar aparcau el tema por les vacaciones y que la Academia lluchase sin descansu pol dominiu ".ast"
ResponderEliminar