REVISIÓN DEL LLIBRU BLANCU
Cuatro periodistes debatirán esti miércoles sobre l'usu de la llingua asturiana nos medios de comunicación. Trátase d'una de les meses redondes que la Xunta pola Defensa de la Llingua ta organizando estos díes col envís de revisar les propuestes del Llibru Blancu, a los 15 años del entamu d'esta iniciativa.
Na cita, que tien llugar dende les 18.00 hores nel salón d'actos de la Facultá d'Historia (Campus del Milán), en llugar del de Filoloxía, como taba previsto de primeres, participen los periodistes Naciu Varillas, Ana Vanessa Gutiérrez, Próspero Morán y Cristóbal Ruitiña, moderaos por Rubén Ardura.
Falaráse sobre la evolución del usu de la llingua nos medios nos últimos 15 años, l'entamu de los medios dixitales y la situación de precariedá del idioma nesti ámbitu.
Queden tovía otres dos meses redondes: 'Hacia la consolidación y espansión de los Servicios de Normalización Llingüística' (participen Penélope Miranda y María Xosé Rodríguez, trabayadores de servicios de normalización, Adolfo Camilo -xestor cultural- y Esteban Intrialgo -abogáu-, moderaos por Mónica Riesgo), el 15 de febreru, a les 18.00 hores nel salón d'actos del Departamentu de Filoloxía Española de la Universidá d'Uviéu; y 'Recuperación y normalización llingüística d'Asturies' (participen Carlos Pulgar -voceru de la Xunta pola Defensa de la Llingua-, Ramón d'Andrés -profesor de Filoloxía Asturiana na Universidá d'Uviéu-) el 29 de febreru, a les 18.00 hores, nel salón d'actos del Departamentu de Filoloxía Española.
Cuatro periodistes debatirán esti miércoles sobre l'usu de la llingua asturiana nos medios de comunicación. Trátase d'una de les meses redondes que la Xunta pola Defensa de la Llingua ta organizando estos díes col envís de revisar les propuestes del Llibru Blancu, a los 15 años del entamu d'esta iniciativa.
Na cita, que tien llugar dende les 18.00 hores nel salón d'actos de la Facultá d'Historia (Campus del Milán), en llugar del de Filoloxía, como taba previsto de primeres, participen los periodistes Naciu Varillas, Ana Vanessa Gutiérrez, Próspero Morán y Cristóbal Ruitiña, moderaos por Rubén Ardura.
Falaráse sobre la evolución del usu de la llingua nos medios nos últimos 15 años, l'entamu de los medios dixitales y la situación de precariedá del idioma nesti ámbitu.
Queden tovía otres dos meses redondes: 'Hacia la consolidación y espansión de los Servicios de Normalización Llingüística' (participen Penélope Miranda y María Xosé Rodríguez, trabayadores de servicios de normalización, Adolfo Camilo -xestor cultural- y Esteban Intrialgo -abogáu-, moderaos por Mónica Riesgo), el 15 de febreru, a les 18.00 hores nel salón d'actos del Departamentu de Filoloxía Española de la Universidá d'Uviéu; y 'Recuperación y normalización llingüística d'Asturies' (participen Carlos Pulgar -voceru de la Xunta pola Defensa de la Llingua-, Ramón d'Andrés -profesor de Filoloxía Asturiana na Universidá d'Uviéu-) el 29 de febreru, a les 18.00 hores, nel salón d'actos del Departamentu de Filoloxía Española.
Fonte: europapress n'asturianu
¿Podríen llegarnos les conclusiones dafechu pa conoceles bien resumíes por oparte d'algún siguior de la tema?
ResponderEliminar