Iglesias acusa a Cascos de tomar por rehenes a ong's ya instituciones como l'Academia.
El candidatu d'IX d'Asturies a la presidencia d'Asturies,Jesús Iglesias, acusó al Gobiernu d'Álvarez Cascos de tomar como rehenes a la sociedá asturiana, d'"apatayar" a los ámbitos de la sociedá vertebraos en redol a asociaciones, ongs o entidaes de distintu tipu que reciben tresferencies del Principáu al retener los creitos que tendríen de recibir, y de tar realizando “una agresión ensin predecentes” a los asturianos.
Iglesias realizó estes declaraciones en axuntándose cola Presidenta de l'Academia de la Llingua, una de les múltiples instituciones y asociaciones a les que'l Gobiernu d'Álvarez Cascos va retayar el so presupuestu. Jesús Iglesias denunció que la prórroga presupuestaria de Foru Asturies inclúi un alcuerdu de retención de creitu del 20% a toles entidaes,asociaciones y Ong's que recibíen una tresferencia a partir de la cantidá más baxa que resulte de les cifres del presupuestu 2011 o del proyeutu refugáu pa 2012. “De la cifra más baxa, van quitar un 20%, lo que nel casu del'Academia significa qu'a partir d'un retayu del 27% del 2012 hai que suma-y otru 20%”, puntualizó Iglesias.
Iglesias sorrayó que Foru ta intentando convertir a les asociaciones, ong's y entidaes en prisioneros de la guerra de Foru col restu de fuerces polítiques p'amontar la presión por que se cometa “una illegalidá”, que la diputación permanente apruebe una llei d'endeldamientu. “Ye daqué refugable dende la perspectiva llegal y a cencielles despreciable dende la iniciativa política”, afirmó'l candidatu d'IX.
Pal candidatu de la coalición, la única iniciativa posible nesti momentu ye "que los ciudadanos tomen nota'l 25 de marzu" y voten un gobiernu respetuosu cola sociedá asturiana y que ponga los intereses de la sociedá asturiana per delantre de cualquier considerancia tactista, elleutoralista y pautista. “A partir d'ende, va ser posible retomar tou, dende llevantar la retención de creitu, establecer n'otros términos la prórroga ya inclusive ,si hai dilixencia aprobar otru presupuestu pa 2012 que solucione estos problemes que ta xenerando deliberadamente esti Gobiernu”, sostuvo. De la mesma, dixo qu'Álvarez Cascos esforciase en magnificar el problema pa intentar utilizar esa situación catastrófica como elementu de presión”.
“Creemos que los que carecen la retención de creitu y viven realidaes que ponen en riesgu la so propia superviviencia nun se van dexar manipoliar y van saber quién ye responsable esclusivu d'esta situación:el Gobiernu de Foru y Francisco Álvarez Cascos”, alvirtio'l candidatud'IX d'Asturies.
Nel casu de l'Academia de la Llingua, Iglesias afirmó que la xestión del Executivu “desmiente la pretendida vocación rexonalista y el supuestu compromisu de Foru cola cultura asturiana”, actitú que contrapunxo cola d'IX que, asegura, caltien “cola mesma intensidá”'l so compromisu col asturianu y la so esixencia de que sía llingua oficial del Principáu xuntu al castellán.
Fonte: Asturnews
Asina faló el Foro a IX: Glayó d'aquella manera el ciegu al tuertu.
ResponderEliminarLes charranes d'IX aprovénchenles toes pero ensín sentíu y ensín razón.
¿Qué ficieron pola oficialidá tantos años nel gobiernu'l gordinfles peloteándo y aplaudiéndolu en too a cambéu d'unes poques migaxes de poder? Vaya cara.
Ye que dalgunos partíos políticos tórnanse asturianistes de cara les elleiciones y dempués olvídanse de les promeses y les bones intenciones, por exemplu I.Xunía tien esa costume.
ResponderEliminarEsto ye toa una comedia de regustu perroneru.
ResponderEliminarXesús, nun escaezas l'asturianismu interesao de Foro
ResponderEliminarAl meyor agora Llamazares "el bonu" con su nuevu partíu reconviértese de verdá al asturianu, anque yá nun creo a nengún políticu n'exerciciu, que lo únicu que miren ye la so supervivencia pa siguir viviendo ensin dar ni p... golpe y cobrando munchu, munchu, por siguir engañandu al perpsonal ensin dar palu a l'agua mientras los demás tamos nel paru y dalgunos trabayen munches hores por cuatro perres.
ResponderEliminar