El Congresu Internacional “Les llingües non estatales y les nueves teunoloxíes de la información y la comunicación” que va celebrase na llocalidá portuguesa d’Aveiro'l 8 de marzu, va cuntar con presencia asturiana y mirandesa, amás de representantes de les llingües catalana, aranesa, aragonesa y gallega. Un espaciu pa compartir la situación de les llingües minorizaes de la península nel campu de les TIC.
Nesti conceyu Inaciu Galán, periodista asturianu, va dar llectura a la conferencia “Una güeyada a la situación del asturianu nes TIC”. Esi mesmu día, pela tarde y xunto al restu los congresistes, participará nuna mesa redonda d'alderique alredor del tema central de congresu, comentando la situación asturiana, baxo la moderación d’Alberto Gómez Bautista, de la Universidá d’Aveiro.
Amás de Galán, van participar nel congresu, falando de la situación de les sos llingües nesti campu, Amadeu Ferreira, Alcides Meirinhos, Xavier Frías Conde, Francisco Castro, Anna Cortils y Sebastià Bennasar.
El Congresu organícenlu la Universidá d’Aveiro, la UNED y l’Associaçon de Lhéngua Mirandesa, pudiendo inscribise los interesaos nesti corréu cunceilho@gmail.com
Más información: Blogue del Congresu
Fonte: Asturnews
Frias Conde falará de la so llingua gallego-portuguesa.
ResponderEliminarYe'l camín a siguir pala normalizaciónde de la llingua asturiana.
ResponderEliminarFrías Conde ¿nun ye'l que nomaron "persona non grata n'Asturies"?.
ResponderEliminarCrucia los deos, hermanu.
ResponderEliminarsí, ye'l de la teoria del gallegu exterior. El de Romania Minor.
ResponderEliminarEsti Congresu ye perbonu pala llingua.
ResponderEliminartando per mediu Frias Conde nun ye nada bonu pa nenguna llingua sacante pal gallegu.
ResponderEliminarVeremos, veremos... tiempu al tiempu.
ResponderEliminarA ver si dalgunu o dalguna qu'asista que depués nos cunte daqué por esti mesmu mediu
ResponderEliminar