La Fundación Belenos ta acabante d’asoleyar el númberu 31 de la so revista, “Asturies, memoria encesa d’un país”.
Amás de les estayes habituales, como “L’Estoxu”, “Cartafueyos de Belenos” o “Memoria Gráfica d’Asturies” (nesta ocasión dedicada al conceyu d’El Franco), la espublización recueye los trabayos que vienen darréu: “Una escultura magdaleniense inédita procedente del aviru La Viña, La Mazanea (Uviéu)” (Antonio Juaneda), “Fueu y agua nel orixe de los santuarios castreños: saunes y pedras formosas” (Ángel Villa), “Una posible tésera d’hospitalidá afayada n’Asturies. Les rellaciones d’hospitalidá ente los astures y otros pueblos céltitos” (Jesús F. Torres), “Cordoveiru, una aldea celta con historia” (Fernando Inclán), “Osos, llobos y santos proteutores” (Berto Peña), “Quemes rituales de monigotes: la quema’l xigante y la quema la xana” (Xe M. Sánchez), “Llavaderos na Comarca de la Sidra, Piloña y Siero” (Daniel Cueli) y “Os corrales pra os llobos n’Allande” (César Alonso). La revista yá se pue mercar nes principales llibreríes del país a un preciu de 15 €.
Fonte: Infoasturies
Habra que mercala'l problema onde.
ResponderEliminarNes llibreríes Cervantes y Ojanguren n'Uviéu y Paradiso en Xixón, a lo menos.
ResponderEliminarYe otra obra de colleición de la Fundación Belenos pala biblioteca particular na casa d'un que mércase perbién na llibrería Paradiso.
ResponderEliminarEl trabayu de Bertu A. Peña nomáu "Osos, llobos y santos preoteutores" ye cenciellamente fantásticu, felicidaes al autor.
ResponderEliminarPal mio gustu ye la meyor revista n'asturianu nesti momentu y colos collaboradores entregaos al ennoblecimientu desinteresáu de la llingua en dellos númberos editaos (31 nesti momentu) y un exemplu pa munchos estamentos bien encumbraos na élite llinguocientífica n'Asturies pola so autosuficiencia económica y de continuu trabayu y desendolcu.
ResponderEliminar