11/1/10

Más de 30 senadores pidirán estender les llingües cooficiales al Senáu



Más de 30 senadores pertenecientes a los grupos de CiU, la Entesa Catalana de Progrés, los Nacionalistes y el Mistu presentarán el mañana un documentu qu'ellaboraron conxuntamente de reforma del reglamentu de la Cámara Alta pa facer estensivu l'usu de les llingües oficiales.

Los únicos grupos que nun se xunieron a esta iniciativa, cola que se pretende normalizar l'usu d'estes llingües a tola actividá del Senáu y non llendase a ciertes dilixencies, foron el PSOE y el PP. Tampoco nun se sumaron tolos senadores de los grupos proponentes, sinón que fasta agora s'inclúin 34 parllamentarios.

De momentu, les llingües cooficiales namái puen utilizase na Cámara Alta de manera verbal y na Comisión de Comunidaes Autónomes. Tanto iniciatives parllamentaries como entrugues per escrito tamién puen rexistrase en castellán y nuna llingua cooficial. Según informaron fontes parllamentaries, la propuesta tien l'oxetivu de que los idiomes cooficiales s'almitan en tola "activida normal" de la Cámara Alta, ye dicir, en plenos y na totalidá de les comisiones. En casu de que'l documentu fora aprobáu, los senadores proponentes, que presentarán la iniciativa'l martes 12 de xineru ante'l Rexistru de la Cámara, apostaríen por establecer un "periodu d'adautación" a estes llingües, pa dempués estender el so usu a los plenos y comisiones, añedieron les citaes fontes.

Fonte: Europa Press

5 comentarios:

  1. Somos un país probe y arruinao; too pue ser llegal y llícitu... y ¿cómo vamos poder tirar tanto del tetu resecu del gastu en tiempos de crisis aguda? ¿non ye pretender un imposible si esiste muncha xente nel paro en sin prestaciones económiques... ? Agora non, ho. Fai falta muncha mayor sensatez pa la nuesa "clase política" que non piensa na xente necesitá, namás en los sos llogros políticos cara a les próximes ellecciones y asegurase'l puestín o el trabayu futuru nel so partíu o nel parllamentu, etc ¿y los ciudadanos?... ¡una pena!

    ResponderEliminar
  2. Ties razón collaciu. Europa tómanos pol pitu dun serenu afónicu, nun sé porqué... Probe España, probe Asturies, probes paraos,... pero vivan los nuesos políticos, que vivan y que vivan perbién ensin facer namás que glayar pa xustificase, aplaudir a los sos xefes de fila y prohibir por lley tantes o más coses que antañu col xeneral. Y ¿los paraos? ...¿qué paraos? ...¿onde tán? ...¿y los sindicatos de "clase"? ...¡calladinos y en casina que na cai fai fríu!

    ResponderEliminar
  3. Paez que tais un pelín rabiaos, no ye pa tanto...

    ResponderEliminar
  4. Els parats poden aprendre idiomes i trobar feina de traductors al Senat. Vaja, si tant us preocupen, aquí tenen una oportunitat de feina.

    Seriosament, crec que va ser Ortega y Gasset qui va dir que qualsevol espanyol mitjanament educat podia entendre totes les llengües romàniques de la Península. Però suposo que vosaltres en sabeu més que un pobre filòsof.

    ResponderEliminar
  5. Hay que aprovechar y subirse a los trenes y oportunidades cuando pasan. Para esos miles de jóvenes sin trabajo y sin perspectiva de poder tenerlo a corto plazo que dominan alguna lengua minoritaria ahora es la ocasión. Ppero la condición indispensable es afiliarse a alguno de los partidos y sindicatos hermanos mayoritarios.

    ResponderEliminar

Los comentarios tán pendientes de moderación. Espublizaránse lo primero dable.