Kernow llucha pola so llingua celta

Fonte:aruelu.com
El Conseyu de Curnialles aprueba tornar al córnicu gran parte de la cartelería y espublizaciones institucionales
22/11/09
El Conseyu de Curnialles incluirá la llingua córnica nos cartelos que s’instalen al partir d’agora.
El córnicu, la llingua gaélica propia de Curnialles, tendrá un pequeñu pero significativu avance na so presencia nel espaciu públicu, dempués del determín del Conseyu de Curnialles d’axuntar la versión córnica a dellos rótulos públicos, la gran mayoría de los cualos tán anguañu esclusivamente n’inglés. Concretamente, la iniciativa inclúi los cartelos informativos nes cais y carreteres, y non los rétulos de direición, nin los de les autopistes. Amás, el córnicu apaecerá namái nes nueves instalaciones, de manera que nun tendrá un costu suplementariu.
Otres iniciatives incluyen l’usu del córnicu nes espublizaciones oficiales del gobiernu nacional, asina como la torna de la so páxina web oficial, namái disponible n’inglés a día de güei.