Esti añu Asturies tampoco nun va tar representada n’Expolangues, el salón internacional de les llingües “por motivos presupuestarios” según la Conseyería de Cultura.
Expolangues ye un salón internacional de llingües falaes en tol mundiu, tanto con calter mayoritariu como minoritariu. Esta edición, dedicada a la llingua catalana, va desarrollase ente’l 3 y el 6 de febreru y va cuntar con representación, per parte del Estáu, de les llingües castellana, vasca, gallega y el propiu catalán, protagonista d'honor esti añu.
El Principáu participó nel alcuentru de 2008, que tuvo llugar los díes 6 y 9 de febreru en París. El Gobiernu asturianu distribuyó d’aquella información documental, ente la que rescamplaba un folletu informativu escritu n'asturianu y tornáu al inglés, francés y alemán, y per otru al catalán, vascu y gallegu, nel que s'esplica'l conceutu, l'orixe, la hestoria y la situación del idioma.
Consuelo Vega, como Direutora Xeneral de Política Llingüística, sorrayó na rueda de prensa onde se presentó la participación asturiana, la importante oportunidá de promoción internacional de la llingua que suponía esti foru. Amás, esclariaba qu’anque’l principal enfotu del Principáu yera la promoción del idioma dientro d’Asturies, “nun queremos renunciar a facenos visibles nel esterior, con una imaxe de modernidá y de futuru, y más nel añu internacional de les llingües”.
Sicasí, la participación asturiana nun foi vista con bonos güeyos por dellos seutores. Asina, l’Aconceyamientu de Xuristes pol Asturianu amosó la so “indignación” énte la presencia n’Expolangues, yá que camentaben que yera una "falsura del Principáu”, qu'unviaba voceros a París “pa enchipase de nun se sabe qué imaxinarios o lliterarios llogros en porgüeyu de la llingua asturiana", mientres "prohibe'l so emplegu polos funcionarios públicos; ellabora un proyeutu de Decretu que torga dafechu la so presencia na educación de los neños; y pieslla los pocos Servicios Municipales de Normalización Llingüística", en referencia al pieslle de los de Mieres del Camín y Samartín del Rei Aurelio.
Inclús, el mesmu día de la inauguración d’Expolangues, l’ex diputáu d’IX, Francisco Javier García Valledor, declaraba que la intención del Principáu yera desterrar la llingua de l'Alministración, anque afitaba que valoraba positivamente iniciatives como la de la presencia del asturianu n’Expolangues de París. Esclariando que les más de les actuaciones del Gobiernu asturianu entraben dientro d'una proteición como un elementu d'esposición nos museos “y non como una llingua viva que tien de tener unos drechos básicos nuna sociedá democrática”.
Fonte: Asturies.com
Pero hom ¿cómo va tar l'asturianu n'Espolangues de París apoyau pol gobiernu d'Asturies?... ye suañar coses imposibles. El problema ye que'l Gobiernu asturianu nun quier baxo dengún pretestu ni oir falar ni mentar tal tema, y munchu menos l'asuntu de la oficialidá de la llingua (ye la so pesadiella toles nueches) Y en segundu llugar que tien bastante la "clase política asturiana" especialmente PSOE -y tamién IX que pa eso l'apoya en too anque faiga el paripé de protestar pa disimular y perbién que s'apuntan a los viaxes- con sacar perres (euros) de onde no les hay pa costear -ye un pastón cada exerciciu- los sos continuos viaxes ¿de negocios, ja, ja, ja? a la probe Cuba, al gulaj o seya a la Venezuela de Chaves, etc. etc. a pasalu perbién unos dis pa relaxaje, xintar lo que esas xentes nun puen ni goler de lexos, etc. y de pasu dexar allí unos euros pa tenelos contentos a esos "salvaores bolivarianos", dineros que qué bien veníen p'apoyar la llingua asturiana en París. Paisanos: a ver nes prósimes ellecciones que facemos pola nosa llingua, por la lliberación de l'autovía'l Huerna (otra mentira y engañu manifiestu ca vez que fay ellecciones), y por Asturies.
ResponderEliminarvoi ser más optimista que l'asturianu desengañau. Si dalguna vegada fueron a la expollingua ye un pasu p'alantre, pero agora tórgase p'atrás. Camiento que fai falta una llinia d'actuación por parte de la Conseyería de Cultura, al traviés de Consuelo Vega, qu'amuese un plan d'actuación de promoción del asturianu pa tol añu, sofitando lo que se va facer y lo que non, y porqué. Lo que pasa ye qu'esi puestu de la Direición Xeneral de P.llinguística ye facer de "Pinochu" nos filos de Tinin...y asina mos va. ¿Cuando pondrán a un García Arias de responsable?.
ResponderEliminarToy con Xira. García Arias o un miembru o un de l'Academia de la Llingua sedría un bon o bona Direutor/a Xeneral de Política Llingüística, con independencia de los manexos de los filos de marionetes de Tini, ensín dexase manexar como la probe Consuelo Vega que tá a les ódenes ciegues del xefe si quier tar n'a foto. ¿Recursos económicos? haylos y munchos desmontando la axencia de viaxes ¿de negocios? con erariu públicu nel Principáu y nel Ayuntamientu de Xixón pal usu y beneficiu n'especial de IX y PSOE (xueguen colos nuesos impuestos)
ResponderEliminarSi em permeteu que opini des de fora d'Astúries i la realitat asturiana, estic d'acord que la presència a Expolanges hauria de ser una conseqüència i un resum de l'activitat i vitalitat de l'asturià.
ResponderEliminarPer contra, sense haver adoptat cap mesura en pro de l'asturià i, fins i tot, després d'una actitud contrària a la normalització i promoció de l'idioma, és caure en la folclorització de la llengua.
Posats a fer, també podrien demanar un documental del National Geogràfic sobre l'asturià.
La posibilidá que apunta David sobre recurrir al documental del National Geografic ye pa ser considerada. Observo con preocupación que n'esti tema d'Expolangues de París y n'otros que tamién tien que ver munchu col asturianu y cola oficialidá l'Academia de la Llingua tá supercallada y al márxen de toles batalles y opiniones, cuando sedría un necesariu y firme puntal defensivu y ofensivu; a lo meyor porque ya tá cansá de batallar en vanu y pa ná... ? la verdá que falta un pelín d'agresividá peleona. Tamién sedría perbono que alguien como García Arias, Cano, o García Oliva rexentasen el puestu de Direutor Xeneral de Polítiques Llingüístiques n'el llugar de Consuelo Vega que nun fai na de na y ta esperimentandu un placenteru y relaxao reposu baxo la batuta y les órdenes taxantes del nueso Presidentín don Tini.
ResponderEliminarOFICIALIDÁ YA.
ResponderEliminar"Asturianu desengañau" fai mención al llargu y novellísticu affair de la varies vegaes prometía y cuasi xurada y llueu olvidá -en les ellecciones xenerales- lliberacíon de la tovía del Güerna polos presidentes del gobiernu central y del asturianu. Ye como la oficialidá de la llingua. Tómalu a risa, hom. Con esti gobiernu no lo verás enxamás.
ResponderEliminarAn 2008 you vie al sturianu que staba alla n'expolangue, inda falemus lus dous un cachicu.
ResponderEliminarHoije ampéça l'eidiçon 2010, nun hai sturianu, inda menus mirandés, mas you alla starei pr'apuyar dambas :)