26/1/10

Futuru inciertu pa Radio Sele


Les radios comunitaries, como ye’l casu de Radio Sele, van ver reconocíes per primer vegada'l so papel como serviciu al ciudadanu. Sicasí, la Llei del Audiovisual que reconoz esta faceta, tamién afita unes normes que ponen en pelligru la so viabilidá económica.

Una radio comunitaria ye una emisora creyada cola sida de favorecer a un grupu de persones. Diches estaciones de tresmisión nun tienen fines económicos, anque dalgunes emiten publicidá pa sofitar el so caltenimientu. Estes radios contemplen el drechu del ciudadanu a ser emisor d’información y non namái receutor.

El casu más conocíu, ensin dulda, ye’l de Radio Sele, cadena que dende febreru de 1986 enllena’l dial de pallabres y músiques na llingua del país. La Llei Xeneral de la Comunicación Audiovisual, que foi aprebada pola Comisión Constitucional del Congresu de los Diputaos el pasáu siete de xineru, colos votos de PSOE, CiU y Coalición Canaria, entamará en febreru’l so trámite final nel Senáu. El testu va reconocer el llabor d'emisores como Radio Sele, pero tamién llindará’l so presupuestu a 50.000 euros añales y prohibirá cualesquier forma de publicidá. Los responsables d’estes emisores, unes 150 en tol Estáu, quieren que nes prósimes selmanes haiga cambeos qu’afiten el so futuru.

Yá cuenten col sofitu de CCOO, UXT y la Federación de Sindicatos de Periodistes, que se dirixirán a los senadores pa que s’incluyan les enmiendes que proponen. Ente les reivindicaciones, esixen que nun haiga barrera presupuestaria, yá qu’entienden que-y pon torgues al so desendolcu y nun se pue llindar el presupuestu d’una actividá privada. Tamién quieren que la llei garantice la llicencia pa les emisores comunitaries yá esistentes, dalgunes perasentaes nes sos sociedaes de receición. Como ye’l casu de Radio Sele, con cuasi 25 años d’emisiones.

Fonte: Asturies.com

3 comentarios:

  1. Radio Sele debe permanecer en funcionamiento por obligación y por devoción. Lleva muchos cumpliendo una labor muy meritoria en Oviedo y Asturias, con unos programas muy interesantes tanto hablados como musicales. Debemos apoyar con interés y ganas a Radio Sele, porque lo merece.

    ResponderEliminar
  2. Tol apoyu posible pa Radio Sele ¡¡¡ADELANTE!!! pol asturianu y pol bien d'Asturies.

    ResponderEliminar
  3. Unes de l'Argandona d'Uvieu30 de enero de 2010, 13:01

    Dende l'Argandona n'Ovieu tamién tamos con Radio Sele. Felicidaes pola gran llabor que facéis y a lluchar ¡llarga vida a Radio Sele!

    ResponderEliminar

Los comentarios tán pendientes de moderación. Espublizaránse lo primero dable.