Podemos Asturies insta
al Conseyu de Gobiernu a que presente énte la Xunta Xeneral un proyeutu
de Reglamentu pa desendolcar y facer cumplir la Llei del Promoción y Usu
del Bable/Asturianu y la realización inmediata d’un estudiu
sociollingüísticu "que nos aporte les claves de les actitúes,
creencies, espectatives y vitalidá de la llingua asturiana ente la
población" pa detectar "les posibilidaes y les reticencies esistentes
nesti ámbitu partiendo d’unes bases bien establecíes". L’anterior,
encargáu pola Academia de la Llingua Asturiana, llevó’l nome de ‘II
Estudio sociolingüístico de Asturias 2002’ y el so autor foi Franscisco
José Llera Ramo, responsable tamién del primeru, fechu por demanda del
Gobiernu nel 1991 y espublizáu nel 1994 col títulu ‘Los asturianos y la
lengua asturiana. Estudio sociolingüístico para el Principado de
Asturias’.
La intención de Podemos ye que, una vegada finada esti tercer estudiu
sociollingüísticu y analizáu’l mesmu, l’Executivu "ellabore y implante
con caráuter urxente’l II Plan pa la Normalización Social del Asturianu,
tres el primeru que se desendolcó ente los años 2005-2007". Tamién
demanda que s’inste a toles corporaciones municipales a cumplir la Llei
d’Usu y a la modificación de los currículos del primer y segundu ciclu
d’Educación Infantil "col propósitu de recoyer la realidá
sociollingüística del Principáu d’Asturies y regular l’enseñu de la
llingua asturiana y el gallego-asturiano en dicha etapa educativa".
Esta proposición non de llei va aldericase esta selmana en Plenu na Xunta Xeneral, previstu pal xueves y vienres.
Cuatro entrugues
Lucía Montejo, vocera del grupu parllamentariu, tamién presenta pa
esta sesión cuatro entrugues sobre la política xeneral del Gobiernu. La
primera refierse a los deportes tradicionales, en concreto sobre les
midíes previstes a adoptar pa la so proteición, conservación y difusión.
Mentes, les restantes céntrense na proteición del patrimoniu industrial
y l’inmaterial, asina como del prerrománicu.
Fonte:asturies.com
Fonte:asturies.com
Bona iniciativa. Espero que s'aprovi.
ResponderEliminarPodemos Asturies ye la primer llinia parllamentaria na defensa del asturianu.
ResponderEliminar5ª entruga pa faer nel grupu parlamentariu pa esta selmana: Ripa yá retornó los 60.000€ por non presentar la tesis nin estudiu nenguno nin n'asturianu nin en castellanu, nin res de res?
ResponderEliminarQué ye, hom, ¿que Ripa tien bula?
ResponderEliminarYe que Ripa ye un auténticu y auténticu cacu apandador y amás hai muncho consentidor bien estimosu nel gobiernu asturianu.
ResponderEliminarCon amigos asina (¿del asturianu?) nun queremos nin faen falta enemigos.
ResponderEliminarPaez que sí amigu Loren, Ripa y los de Podemos tienen bulda tamién n'Asturies. ¿Qué van andar buscando'l Psoe ya IX asturianos con tanta contemplación y mimu a Ripa y la so comparsa? Abarrunto que nada bien vistu ya interesáu.
ResponderEliminarTa bien claru que busquen tenelos contentos pa una alianza próxima futura.
ResponderEliminarUn sofitu, meyor.
ResponderEliminarYe una bon meyora y un prometedor precedente.
ResponderEliminarA la busca del votu tresmanao y salvador.
ResponderEliminar