Los finxos del plan pasen pola creación del Grau en llingua asturiana na Universidá, garantizar la ufierta de la enseñanza nos centros alcordaos y la emisión n’asturianu d’un 30% de la programación de la TPA.
El grupu parlamentariu d’IX va llevar al plenu d’esta selmana na Xunta Xeneral una Proposición Non de Llei sobre dignificación del asturianu, nes instituciones, medios de comunicación y toponimia porque, a xuiciu de Gaspar Llamazares, voceru parlamentariu na Xunta, inda hai un desenvolvimientu que faer cola actual llei del asturianu, la Llei d’Usu y Promoción.
La Proposición Non de Llei inclúi una batería de puntos nos que demanda dende rematar la negociación col MEC pa reconocer la especialidá docente de la llingua y el gallego-asturianu en Primaria y Secundaria, a impulsar la creación del Grau en llingua asturiana na Universidá d’Uviéu, ensin escaecer otres cuestiones básiques como garantizar la ufierta de la enseñanza nos centros alcordaos, la emisión n’asturianu d’un 30% de la programación de la TPA, o la progresiva implantación del asturianu nel BOPA, ente otres cuestiones.
Coles mesmes, y tamién a instancies d’IX, pondrase en marcha la comisión parlamentaria pa estudiar la situación actual de la llingua asturiana y les posibles reformes que dexen el caltenimientu y el futuru de la llingua. La comisión va tar formada por dos miembros de cada grupu parlamentario y presidíu pola diputada d’IX Concha Masa.
Fonte: Asturnews
L'embite de Podemos emula a IX. Ta perbién.
ResponderEliminarGasparini, nel plan pala dignificación de la llingua asturiana quedasti segundón, como fae tamién nes sos planes políticos el to ¿xefe? madrilanu, equí ganóte yá la man Podemos con León, Ripa (el de la belca-desfalcu de los 60.000€) y Suárez del Fueyo.
ResponderEliminarNes eleiciones d'avientu IX desaparez como UPyD y otres.
ResponderEliminarA IX: ente toos matar y ella sola morrióse, ¿eh,Llamazares?
ResponderEliminarVan derechos al cataclismu políticu, a la desapaición bonal.
ResponderEliminar