La lluvia nun ye a callar los glayíos pola oficialidá del asturianu
La lluvia nun foi a callar al movimientu de reivindicación llingüística asturianu. Miles de persones percorrieron les cais d’Uviéu na manifestación añal organizada pola Xunta pola Defensa de la Llingua Asturiana, dende la estación de Renfe y hasta les puertes del Teatru Filarmónica. “Yá, yá, yá, oficialidá” y “La llingua vive, la llucha sigue”, ente los glayíos que más pudieron sentise nesta xornada, que remató con un discursu na Plaza Porlier, de la mano de Paula Cristóbal, de la XPDLA. Acompaña a la noticia vídeu sobre la manifestación de Pablo A. Quiroga.
Fonte: asturnews
Gracies pol vídiu pero hai un gran esfuerzu por faer nel mesmu, francamente quedó bien probe, hai enforma paragües y poques persones y manifestantes, nun diz na de lo que foi nin de lueñe; cabíen munches más persones na cai Uría d'Uviéu pero nun tuvo mal cola cantidá d'agua qu'hubo.
ResponderEliminarComo siempres un aplauso pa Llábana que desafió'l mal tiempu y remanó la bandera asturiana con estilu y fuerces de les qu'él sabe enforma.
Salú pa él y pa toos y toes los que tuvimos ellí sofitando la causa asturianista y de la oficialidá de la nosa llingua.
Nada home James Cameron,pa otra faes tu un vidiu.
ResponderEliminarYe verdá pero pero hai que reconoce-y el so méritu.
ResponderEliminar