La Xunta pola Defensa de la Llingua Asturiana (XPDLA) ta acabante denunciar la “escasa presencia” que tuvo la Selmana de les Lletres Asturianes nos medios de comunicación públicos, amás de protestar pola non celebración del actu de llectura de testos n’asturianu na Xunta Xeneral.
Esti actu institucional celebráu dende va siete años yera según la Xunta “un homenaxe al nuestru idioma, la nuestra lliteratura y los nuestros escritores, mostrando asina lo que significa la llingua y lo que tendría que ser pa los nuestros representantes políticos: una fonte de consensu y un patrimonio de tolos asturianos, sía cual sía la so ideoloxía”. Un actu que pa la XPDLA se convirtiere col pasu los años “nun de los más mediáticos de la Selmana de les Lletres, con gran visibilidá gracies a l’atención que-y daben los medios de comunicación”.
Pa la XPDLA la importancia d’esti actu vien de les poques xornaes “onde’l nuestru idioma tien güecu –siempre de manera testimonial– dientro de la Xunta Xeneral”.
En cuantes a la cobertura de la RTPA, denuncien que nun retresmitió esti añu la Xunta Estraordinaria que fai cada añu l’Academia de la Llingua Asturiana nin emitió nengún programa especial dedicáu a los autores d’esti añu Benito de l’Auxa y Antón Balvidares, como si ficieron otros años nel programa Nomes d’Asturies, de la RPA. Dende la organización ciudadana recuerden que la RTPA ye “una entidá pagada coles perres de tolos asturianos y que tien ente los sos principios la promoción del nuestru idioma”.
Fonte: Asturnews
Otra preba más de que la oficialidá tien de ser un puntu imprescindible na formación del futuru gobiernu asturianu.
ResponderEliminarUna pena, penita, pena... otra más.
ResponderEliminarLa llectura n'asturianu nos medios y tamién na TPA ye fundamental pos amás de familiarizase col soníu, la sintasis, el vocabulariu, etc. ye un medio fácil p'aprender l'idioma a base d'oyilu munches vegaes, asina de fácil.
ResponderEliminarHome, cualquier asturianu/a seya falante d'asturianu o castellán tan familiarizaos col soníu(l'acentu),vocabulariu,... sinón serian casos d Gaes... Lo q si q ye increible ye q la tele pública asturiana nun faiga nada pola llingua y nun echó nunca unapelícula,un concursu,unes noticies o una retresmisión deportiva n'asturianu y sicasí una tele privada foi la primera n'emitir un llargometrax n'asturianu, Teleasturias.
ResponderEliminarYe qie la la xente nun conoz cómo suena l'asturianu nos medios como la TV, p.exemplu.
ResponderEliminarhome que-yos choque dalgo una película o serie o partíu n'asturianu porque nun tamos -desgraciadamente- acostumaos a sentilo -les noticies y programes etnográficos sí- sí,pero d'ehí a nun saber como suena....
ResponderEliminarAparte los doblaxes que ficieron los de Terapia de Grupo de delles películes en plan chancia,el pasáu fin de selmana tuvi'l mio primer "bautismo de fuego" con un llargometrax dobláu dafechu n'asturianu,McClintok. ¡Qué siga l'exemplu na TPA y estensible a toa triba programes!
ResponderEliminarEl 1983 tampoc no estàvem acostumats a veure televisió en català i molts deien que no podia ser que les notícies, les pel·lícules o els anuncis es fessin en català, que sonaria ridícul o que la gent li sonaria estrany.
ResponderEliminarEl primer èxit de TV3 va ser Dallas en català. El JR dient "Sue Ellen, ets un pendó" va fer història. Estic segur que un "Horatio, hubo un asesinatu na cai" també farà història.