31/5/12

La XDLA reclama al Gobiernu la continuidá de la Dirección Xeneral de Política Llingüística

Alfredo Ignacio Álvarez Menéndez, hasta agora Director Xeneral de Política Llingüística La XDLA reclama al Gobiernu la continuidá de la Dirección Xeneral de Política Llingüística La Xunta pola Defensa de la Llingua Asturiana (XDLA) considera fundamental la presencia efectiva nel Gobiernu de cargos con capacidá y rangu “pa poder sacar alantre les midíes contemplaes na llexislación pa desenvolver polítiques afayadices pal futuru de la llingua asturiana”. La organización de defensa de los derechos llingüísticos pidió al traviés d’un comunicáu “abrir una dómina nueva qu'asegure, non solo los derechos básicos, sinón tamién la tresmisión interxeneracional y el prestixu públicu pal idioma”. Pa la XDLA, esta presencia efectiva tien que tar inspirada y venir determinada pola tresversalidá, p'asina caltriar en tolos departamentos de l’Alministración. Esto ye, qu'a los tradicionales ámbitos de Cultura y Educación –onde l’asturianu ha tener la más alta representación política y alministrativa–, han sumase les demás Conseyeríes que, coordinaes dende la Presidencia, tienen que tener la capacidá real de facese presentes y vertebrar tol territoriu asturianu al traviés del nuestru idioma. Otra manera, la organización entiende que la fusión de les conseyeríes de Cultura y Educación “nun pue suponer recortar el rangu qu'hasta'l momentu tuvo l'idioma dientro del organigrama del Gobiernu”. Por eso, la XDLA solicita'l mantenimientu de la Dirección Xeneral de Política Llingüística dientro de l'actual Conseyería que dirixe Ana González. La estructura nueva, amás, pue permitir una mayor coordinación ente les midíes de promoción social y les desarrollaes nel ámbitu educativu, dos estayes fundamentales p'asegurar el futuru de la llingua asturiana. Fonte: Asturnews

7 comentarios:

  1. ¿A qué caballu ganador va subise agora l'amigu la pipa n'asturianu? ¿Volverá a garrar la tiza de nuevu? anque precisamente esta última postura nun ye la salida del clásicu medrador posáu.
    Misteriu misteriosu que se va desvelar en curtiu.

    ResponderEliminar
  2. Ánxela ¿va de crítiques?

    ResponderEliminar
  3. Tamién fixo coses bones pal asturianu, nun hai que driticar tantu, amás ye perbonu la continuidá de la Dirección Xeneral de Política Llingüística ¿non? entós...

    ResponderEliminar
  4. Don Alfredo Álvarez Menéndez ye un profesor de filoloxía que trabaya pola llingua dende bien xoven, un merecíu aplausu pola so llabor na Direición Xeneral de la Política Llingüística.

    ResponderEliminar
  5. Entós, pos que siga.

    ResponderEliminar
  6. Haber hai munchu meyores pa esi cargu y ensin carga nin influencia polítiques, ca un a lo suyu.

    ResponderEliminar

Los comentarios tán pendientes de moderación. Espublizaránse lo primero dable.