Sergio Marqués en 2007
Morrió Sergio Marqués, el Presidente que fizo posible la Llei d’Usu del Asturianu
Na mañana de güei, martes 8 de mayu, l’abogáu y ex Presidente d’Asturies, Sergio Marqués, sufría un infartu al salir a la cai nel so despachu en Xixón. Tres atendelu na cai ye treslladáu al Hospital de Cabueñes mui grave, onde morría darréu a los 65 años. La so vida tuvo dedicada a l’abogacía y a la política, llegando a convertise en Presidente d’Asturies, ente 1995 y 1999, tiempu nel que fizo posible l’aprobación de la primer, y hasta agora única, Llei d’Usu del Asturianu, que se convirtió nun importante sofitu llegal pal idioma.
Sergio Rutilio Marqués Fernández, ñació en Xixón en 1946 y yera Llincencáu en Drechu pola Universidá d’Uviéu. En 1977 forma parte del grupu que funda Alianza Popular en Xixón. Ente 1987 y 1991 ye diputáu y en 1993 conviértese nel vicepresidente del PP d’Asturies, y dempués de la renuncia d’Isidro Fernández Rozada, ye nomáu candidatu a la Presidencia d’Asturies, venciendo por mayoría simple al socialita Antonio Trevín, entós presidente en sustitución del dimitíu José Luis Rodríguez-Vigil.
En 1998 el Partíu Asturianista de Xuan Xosé Sánchez Vicente aprovecha la mayoría simple de Marqués pa forzar l’aprobación d’una Llei d’Usu del Asturianu, mui criticada entós pol sector asturianista de la sociedá, pero que dende entós ye la única ferramienta llegal esistente. Amás aprueba importantes presupuestos pa política llingüísticos, que tardaríen diez años n’igualase.
Los sos problemes con Francisco Álvarez-Cascos, entós vicepresidente d’España y secretariu xeneral del PP estatal, faen que Marqués, alegando que nun se taba respetando l’autonomía del gobiernu asturianu, fuera espulsáu xunto a otros cuatro diputaos el Partíu Popular, creando la Unión Renovadora Asturiana (URAS), que gobernaría hasta 1999 nuna minoría absoluta.
En 1999 preséntase a les elecciones cola URAS, un partíu alredor del que s’axuntaron munchos ex populares pero tamién xente asturianista que venía d’otres formaciones. La URAS de Marqués defendó siempres la oficialidá del asturianu y consiguió trés diputaos, que nun podría revalidar en 2003. En 2007 Marqués foi candidatu per última vegada, xunto al PAS y Xuan Xosé Sánchez Vicente, colos que configuró la coalición Unión Asturianista URAS-PAS, que se fizo con 11 conceyales, pero quedo a unos miles de votos de facese col diputáu. En 2011 foi l’últimu de la llista nacional d’URAS-PAS, como soifitu al candidatu Sánchez Vicente, que tampoco pudo nesta ocasión tornar a la Xunta Xeneral.
Sobre la oficialidá del asturianu dixo, ente otres coses: “-Nun entiendo la oposición a esto, el bable ye unu de los sistemes llingüísticos más antiguos de la hestoria española, yo nun falo bable, pero gustaríame la cooficialidá y voi faer lo que tea na mio mano dende onde proceda pa consiguilo”(7 de marzu 2007,Villaviciosahermosa.com).Fonte:asturnews
Es una pérdida importante para la historia humana y política reciente de Asturias y de Gijón, este conocidísimo abogado fue una persona con gran vocacion política, un hombre muy trabajador, luchador y defensor convencido de sus ideas. Descanse en paz.
ResponderEliminarSergio Marqués ye un nidiu exemplu de la preparación que tienen los políticos asturianos y el conocimientu que tien en xeneral la sociedá asturiano no que cinca a la llingua asturiana, la so cultura y la so Historia. Tamién ye exemplu que con un poco d'enseñu de la nuesa Historia, la nuesa cultura y la nuesa llingua, la xente pue dase cuenta de la realidá d'Asturies, de la so idiosincracia y de los sos fechos diferenciales.Materies que torguen o manipulen los gobiernos de turnu por mieu a que-yos salgan asturianistes y perder votos nes elleiciones.
ResponderEliminarDe militar nun partíu español y españolista, el PP, y de dir a misa tolos díes cola bandera roxigualda, dióse cuenta de que tando nun partíu español solo se miraba pa Madrid y non p'Asturies -neto como siguen faiendo los partíos sucursalistes PP,PSOE-FSA y FA que ye una cosa rara-.
Formó la URAS, faiendose rexonalista pseudonacionalista y polo menos miró daqué p'Asturies: cuotes d'autogobiernu, tresferencies, oficialidá de la llingua, nacionalidá histórica,....
Yá quedaren atras les sos -desafortunaes- declaraciones filolóxiques sobre l'asturianu: "Es castellano antiguo que quedó CERCADITO por las montañas en el siglo...." pasando a lluchar pola oficialidá de la llingua, defender l'asturianu y llevar la oficialidá nos sos programes elleutorales.
Otru que siguó'l mesmu camín tanto de partíu como del so allugamientu col asturianu fora'l trubianu Leonardo Verdín, que de ser un acerrimu enemigu de la oficialidá del asturianu nos debates pa remocicar l'Estatutu Autonomía nos años 1996,1997,.. marchó con Marqués pa la URAS y camudó la so percepción del procesu normalizador del asturianu. Pallabres d'él sobre la normalización y normativación del asturianu:"ahora se y me doy cuenta de muchas cosas y estoy a favor de la oficialidad y de la normalización social del asturiano"(non lliterales).
Sergio Marqués, descanse en paz