Premiu al Meyor Cantar

Plazu fasta'l 21 de xineru.
La Conseyería de Cultura y Turismu, aprueba la convocatoria del "Premiu al Meyor Cantar" en llingua asturiana o gallego-asturianu.

A esta convocatoria del "Premiu al Meyor Cantar" van poder presentase los músicos, a títulu individual o dientro de grupos, que comercializaran dalguna canción orixinal de cualesquier xéneru a lo llargo del añu 2010, quedan­do escluíes les pieces tradicionales yá esistentes, les versiones o adaptaciones d'obres de creyación espublizaes orixinal­mente n'otra llingua, y les canciones que nun fueran editaes y grabaes la primer vez nel periodu referíu.

Los interesaos tienen que presentar o unviar fasta'l 21 de xineru del 2011 la documentación que s'indica de siguío:

- Solicitú en modelu normalizáu.
- Declaraciones responsables.
- CD onde se recueya la canción escoyida pol grupu o intérprete pa concurrir al premiu.
- Currículum del solista o grupu, incluyendo rellación nominal de componentes y instrumentos que toquen.
- Lletra de la canción escoyida, debidamente mecanografiada.

Más información nel BOPA de 5 de xineru del 2011.

Fonte: Informa Xoven