Dempués del comunicáu del Bloque por Asturies del pasáu mes d’avientu, nel que se pidíen desplicaciones al Ministeriu de Fomentu, FEVE, RENFE y Direición Xeneral de Política Llingüística del Principáu sobro la falta de cumplimientu de los citaos organismos pa cola toponimia aprebada en dellos conceyos d’Asturies, el conceyu Xixón del Bloque por Asturies quier recordar a los mesmos organismos, y tamién al Ayuntamientu de Xixón, qu’esiste un decretu del Principáu d’Asturies, el 105/2006, de 20 de setiembre, pol que s’apreben los topónimos oficiales del nuesu conceyu.
Dende’l Bloque por Asturies afiten que’l "nuesu refrescamientu de memoria a les autoridaes aludíes vien a cuentu de la construcción y puesta en funcionamientu de la nueva estación provisional de trenes, na que puede vese na fachada, bien en grande, ’GIJÓN’, ensin qu’apaeza nin tea visos d’apaecer l’otru topónimu oficial del conceyu, esto ye, ’XIXÓN’. Esperamos que quien tea de ponéi remediu a esta situación illegal lo faiga enantes de la inaguración de la mencionada instalación ferroviaria, y que la señalítica de la propia estación y los planos de llínies y demás ellementos de dicha estación recueyan los topónimos qu’esti conceyu tien reconocíos como propios".
Fonte: Aruelu.com
¿Topónimos ensín oficialidá? un asuntu que nun val pa na, tá condenáu al fracasu. L'ayuntamientu Xixón ye socialista de los del "presi" enemigu de la llingua ¿non? Ta tou falau.
ResponderEliminarTies toa razón Burana son subordinaos del que fae la política "dempués de mí tierra quemá y que se x... el mio sucesor por atrevese a echame de la mio rica poltrona" Ye necesaria la oficialidá.
ResponderEliminarY Grau, y A Caridá... FEVE nun respeta nengún.
ResponderEliminarLo que ye oficial ye'l nome de la ciudá Gijón/Xixón, el nome de la capital del conceyu. Non el nome del Conceyu que sigue siendo Gijón.
ResponderEliminarIgual ye qu'estos organismos solo vieron el primer BOPA col decretu d'oficialidá de los topónimos nel que ponía:"nombre que se propone como oficial" que yera un error:http://www.politicallinguistica.org/ficheru.php?cod=11.
Depués hubo otru BOPA cola correición d'errores:
http://www.politicallinguistica.org/ficheru.php?cod=227
nel que yá ponía: "nombre oficial desde ahora".