El diariu La Voz de Asturias entamó un cursu básicu de llingua y cultura asturianes tituláu "Avérate". Nel cursu van confrotase “ciertes cuestiones carauterístiques de la llingua asturiana que la confrontian col castellán pa consiguir una mayor conciencia llingüística”. Col cursu guétase que los usuarios del mesmu seyan a espresase curiosu n'asturianu al traviés del trabayu cola gramática, la fonética y la sintaxis de la llingua asturiana. Amás de distintos campos semánticos del vocabulariu.
Amás, el cursu va dar a conocer la cultura popular y les costumes tradicionales asturianes. Veránse, por exemplu, mitos, lleendes, música, gastronomía, oficios tradicionales y construcciones asturianes, faciéndose tamién con conocencies básiques de la hestoria de la llingua asturiana: d'una manera cenciella esplicaráse l'asoceder hestóricu de la nuesa llingua. La lliteratura asturiana dende los sos oríxenes fasta l'actualidá sedrá tamién un tema a trabayar nel cursu.
El cursu va enseñar les normes de l’Academia de la Llingua Asturiana, con exercicios y xuegos pa prauticar.
Fonte: Asturnews
Ye un bon aciertu, un pasu más pal conocimientu de l'asturianu y el so usu correutu y normal. "Avérate" va tener muncha presencia.
ResponderEliminarel cursu que ye online?
ResponderEliminarTolos detalles tán espublicitaos na primera páxina del diariu La Voz de Asturias, o meyor entra na páxina dixital del diariu y salte "Avérate" y la so información completa, ye perinteresante.
ResponderEliminargracies xandru
ResponderEliminarSi tán perbién los exercicios meyor aún tán los xuegos. Bon inventu y bona ocasión p'aprovechala abondo.
ResponderEliminarYe verdá que tá perbién. Agradecimientu a LVA.
ResponderEliminar