Asturies ta ente les comunidaes con un índiz más baxu de llectores.
Namái'l 51,4% de los asturianos mayores de 14 años llee llibros, polo que'l nuesu país ye una de les comunidaes con menor índiz de llectura, lloñe del 60,3% de la media del Estáu.
Asina se recueye nun estudiu de la Federación de Gremios d'Editores d'España (FGEE) y la Direición Xeneral del Llibru. Los llectores lleen una media de 9,6 llibros al añu y medren los llectores habituales del 36% al 43,7% nos últimos diez años. Tamién se pue lleer nel informe que les muyeres (61,6%) lleen muncho más que los homes (52,2%) y que medra'l númberu de muyeres llectores dende'l 2008 un 4,4%, mentes que nos homes esi porcentaxe queda reducíu al 0,3%. Per otru llau, el 48,7% llee en formatu dixital.
Fonte: Les Noticies
Eso ye, ensin imposiciones absurdes y con toa llibertá pa poder escoyer y falar la llingua preferida y con muncha cabeza nun billingüismu responsable, con pedagoxía y sensatez, ensin salvapatries allumaos y violentos de nenguna clase porque nun precísanse pa na lliberaores tresnochaos y desquiciaos que naide reclama y tol mundu desprecia abondo.
ResponderEliminarPaezme que t'enquivocasti d'entrada. La de más enriba debe ser la tuya. Billingüismu sí, pero n'Asturies tamién. Cola oficialidá, nidiamente.
ResponderEliminarErru: el comentariu "pedagoxía y sensatez" ye pa la entrada anterior, disculpes y gracies a Fredu.
ResponderEliminarLa verdá que ye una triste noticia pero qu'aguiya pa trabayar más nel futuru sobre la tema la llectura n'especial colos neños y tamién cola sociedá adulta. A pesar del enorme trabayu del profesoráu asturianu nes escueles y nos institutos na promoción de la llectura -felicidaes a tol profesoráu pola so ponderatible llabor- dempués de la etapa educativa obligatoria usando y consultando les biblioteques de los centros escolares y públiques parez que hai un parón de l'actividá llectora que ye lo llamativu ya inesplicable, pìérdese la costume y el "vicio" de lleer llibros. ¿Motivos? son munchos y variaos qu'hai qu'analizar a xeitu, ye un trabayu urxente pa especialistes nel tema.
ResponderEliminarCuesta enforma trabayu crear un vezu llector na xente madura que nunca lleó. Pero col esfuerzu de colexos, conceyos y sociedaes culturales de too tipu que s'entornen nes biblioteques -públiques y priváu- va llográndose alzar esi procentaxe qu'entá ye pequeñu. Según una encuesta ellaborada pol sindicatu de llibreros paez que quien más lleen son los neños -perbón viveru-, los mozos, y la xente de mediana edá especialmente muyeres.
ResponderEliminar