Nueva Biblioteca del Atenéu Llibertariu d'Uviéu y alderique Movimientu llibertariu y cuestión llingüística n'Asturies

ATENEU LLIBERTARIU D’UVIÉU
DEBATE
EL MOVIMIENTU LLIBERTARIU Y LA CUESTIÓN LLINGÜÍSTICA N’ASTURIES
Vienres 14 xineru – Siete y media la tardi
C/. Ricardo Montes, 37 baxu (Ciudá Naranco)

PRESENTACIÓN DE LA BIBLIOTECA SOCIAL DE LA CONFEDERACIÓN NACIONAL DEL TRABAJO, C.N.T., N’UVIÉU.-
Sábadu 15 xineru 2011. Una la tardi. En C/. Ricardo Montes, 37-baxu (Ciudá Naranco)

Esti sábadu y acompangando l’entamu de la biblioteca social BIBLIOTEQK de Radio Cucaracha, rQK, ena que la CNT d’Uviéu participa y fai un programa, la organización anarcosindicalista presenta su biblioteca acabante de catalogar. Los sos modestos fondos, que ronden el millar de volúmenes, son resultáu mayormente de les donaciones de los afiliadœs y la adquisición direuta financiáa po los sos propios recursos económicos que namás proceden de les cotizaciones, pos la CNT rechaza les suvenciones y los lliberaos co les cuantíes que éstos aporten notres organizaciones sindicales.
Biblioteca proletaria poro, atropa los títulos al rodiu la historia, teoría y realizaciones del movimientu obreru, especialmente del anarcosindicalismu y l’anarquismu, como ye d’esperar, magar cuenta tamién con seciones de historia xeneral, ensayu, política, economía, socioloxía y sicoloxía, ecoloxía, lliteratura (ñarrativa, poesía y teatru) y una seción asturiana.
Estos fondos tán a disposición del pueblu en xeneral al través de un serviciu de préstamu y el catálogu, por orden alfabéticu y temáticu, puee ser consultáu en http://cntoviedo.blogspot.com/

Iguarase la inauguración, tantu desta biblioteca como de la BIBLIOTEQK, a la una la tardi ena sede del sindicatu y consistirá ena presentación por parte de sendos compañeros, la llectura d’algunos poemes, y un pincheu de bienvenía. Ta abierto a toa persona que i pete y tea interesáa nello. Poro si yes una delles considérate convidáa.

Gelín Fdz. Meana

Fonte: Atenéu Llibertariu d’Uviéu