L'Ayuntamientu Xixón entruga a los asturianos, en xeneral, y a los xixoneses, en particular, ónde pondríen el nuevu llogotipu de la ciudá, cuatro pieces d'acieru macizo de 25 centimetros de grosor y más de dos tonelaes caúna, que miden pente 3 y 3,5 metros d'altor y entre 1,1 y 1,5 metros d'anchor. Cuatro lletres que según l’asociación “N’AST” dexen el topónimu oficial de la ciudá y menosprecien a los xixoneses. Pa la organización “l’Ayuntamientu (PSOE-IX) paez escaecer que’l nome Gijón/Xixón ye'l correchu, y nes lletrones, por muncho que lo antroxen de “llogotipu” lo que se llee clarísimamente ye Gijón: falta un cachu o sobra tou”, declaren.
N’AST tiénlo mui claro “nós pondríemos la escultura na papelera de reciclaxe” o “nel llistáu d'errores ortográficos” asina como “na llaaarga llista de les discriminaciones llingüístiques que los asturianos carecemos”. Pa N’AST, esi toponimón contradiz el llabor de la Xunta Asesora de Toponimia del Principáu d'Asturies, qu'entá l'añu pasáu espublizaba, en collaboración col Ayuntamientu Xixón los cartafueyos de toponimia xixonesa, colos que se suponía afalaben a la población a usar los topónimos tradicionales y recuerden el testu qu’apaez tovía güei na páxina web del Ayuntamientu Xixón, anque N’AST camienta “les sos propies direutives nun van con ellos”:
“Agora son oficiales, agora usalos ye normal (…) delles vegaes un llugar tien dos nomes al mesmu tiempu: como Gijón/Xixón y ye importante que les instituciones, les empreses, les asociaciones, entidaes y vecindá en xeneral tengan conocencia de los nomes oficiales de los topónimos, pa que poquiñín a poco vaigan usándose per escrito en lletreros, rótulos, vehículos, publicidá, cartelos, documentos, etc.(...)Afalamos a tolos vecinos y toles vecines de Gijón/Xixón a emplegar los nuesos nomes, los que la xente siempres dixo.”
Fonte: Asturnews
Pa mi ye normal esta reinvidicacion de que tamién tendría que venir en Asturianu seria lo lóxico pero lo siento y yo voy dir mas esta fantasmada de lletreru dignu de Made in Areces ye una copia d'otres ciudaes en resumíes que siguimos siendo un pueblu nesti casu Xixon copion y ensin identidá propia perdón Xixon si la tien lo que me da la sensación ye que quieren faenos creer que nun la tien .
ResponderEliminarY'el diseñu propiu'l PSOE asturianu pa quien el pueblu nun cunta pa na y nun ye teníu en cuenta enxamás nin s'aprueba la oficialidá ya que equí impera'l despotismu illustráu, esto ye, faise lo que'l endiosáu xefe'l clan (persabiu y preclaro varón) diz que lo ye lo meyor y acabóse: nun hai oficialidá porque la digo yo. Entá siquier qu'a esta banda yá-yos queda pocu de mangonear el cotarru políticu asturianu.
ResponderEliminarEl logotipu ye guapu pero ta incompletu, nasturianu el nome ye XIXÓN.
ResponderEliminarNel llogotipo Gijón/Xixón oficiliadá yá. Nel ayuntamientu Nu nos dexen escoyer el testu pero agora xueguen pa congraciase col pueblu entrugar el so meyor allugamientu. Paez -y ye- de chiste esta xente del psoe ya ix ye la monda.
ResponderEliminarXixoneses al poder, alcaldesa al asilu.
ResponderEliminarSolo hai que ver los coches y uniformes de la Policía Llocal de Xixón.
ResponderEliminar