SUATEA denuncia otra vuelta la negación “sistemática” de la conseyería d’Educación a que l’alumnáu d’Educación Infantil puea recibir clases n’asturianu o gallego-asturiano. Por eso entamen una campaña d’unvíu d’instancies.
El sindicatu asturianu d’enseñanza denuncia que la conseyería d’Educación, al traviés del Serviu d’Inspeición ta vulnerando l’artículu 10 de la llei d’usu y promoción. Sorrayen qu’estes instituciones tienen amás “conocimientu de causa” tres de la entrevista que representantes sindicales caltuvieron con ellos a finales del cursu pasáu.
“Nengún centru onde nunca s’impartió Llingua n’Educación Infantil y solicitó esti cursu ufiertales o onde padres solicitaron que los sos fíos recibieren clases con estos conteníos, foi atendíu per parte de la Conseyería Educación”, denunció SUATEA.
D’esti mou, el sindicatu asturianu, xunto a delles madres y padres, van presentar instancies empobinaes a la Conseyería d’Educación pa denunciar la situación, desixir “l’atención del alumnáu” y pidir explicaciones pa la “desatención” a los drechos de los asturfalantes.
SUATEA llama tamién a la participación de la sociedá, d’esti mou ufren en descarga na so páxina web les instancies “col envís de potenciar esta campaña”. Les persones que les cubren han d’unviales al sindicatu personalmente o per corréu ordinariu.
Vía contenciosa
“Esta reacción ye pa entamar la reclamación vía administrativa, qu’empatará na vía contenciosa de nun ser atendíes les nueses reclamaciones”, alvierte’l sindicatu asturianu, presentando la posibilidá de llevar a la conseyería a xuiciu por mor del incumplimientu de la llei.
Fonte: Asturies.com
La Conseyería d'Educación (esto ye'l PSOE) ye un mandau del xefín les fartures, por tanto entrampeen y ponen zancadielles illegales a tou lo que güela a llingua asturiana no tocante a educación y l'oficialidá, pola que sienten incomprensible y auténticu iñerizu. Ye una pena pero tán totalmente en contra del sentir del pueblu y de les sos demandes llingüístiques e identitaries. Tán tan endiosaos que de mano el so ostracismo políticu pol desiertu la oposición van dase una llombada impresionante dentro cuatro meses, afortunadamente, y por estensión l'estimosu y percondescendiente grupu de aplaudidores d'IXunía, qu'una vegada más fai'l ridículu más espantible camín de sumir del mapa políticu asturianu como ta asocediendo n'otres autonomíes. Oficialidá yá.
ResponderEliminarL'únicu sindicatu válidu e independiente na enseñanza ye SUATEA que trabaya y reclama les coses xustes y necesaries como ningún otru. Porque UXT y CCOO tán pervendíos al poder y al dinero del gobiernu y non tien créditu ningún ante la xente'l enseñu baxándose los pantalones toles veces que fai falta y más pa vivir ensin trabayar (nel mundillu llámanlos los "desertores de la tiza"), esto ye son nulos. ANPE nun val munchu porque non pinta na y nun-y fai casu naide y anque ye seriu y trabaya bien nun-y consideren. El restu de sindicatos como que nun esisten nel mapa asturianu y del restu les autonomíes, a lo más tán como casu testimonial. Dizlu un enseñante asturianu veteranu con bastante esperiencia. Puxa Suatea y p'alantre. ¡Ah! y l'oficialidá yá.
ResponderEliminarAmás SUATEA foi'l sindicatu del enseñu más votáu nes caberes elleiciones sindicales. Avérase la oficialidá...
ResponderEliminarSuatea da-y un bon tirón d'oreyes -un perbón solmenón- al conseyeru y otru al gordu a ver si aprienden maneres y el camín democráticu de la oficialidá de la llingua.
ResponderEliminar