L'asturianu: la llingua d'un Pueblu

Xosé González González

Ye la llingua propia del pueblu asturianu, idioma que dende va milenta años vien falando la xente asturiano. A pesar de que'l castellanu ye la llingua oficial, ¿Quién lo decidió?, esa influyencia del castellanu fizo que l'asturianu se desprestixare y que s'emprobeciere. Actualmente, l'asturianu ye una llingua en pelligru de desapaicion y nun claru procesu de perda falantes y ámbitos d'usu. Los asturianos tenemos el drechu y el deber de torgar los pilancos que frayen el so usu y el so esporpolle normal, pa que l'asturianu se mantenga vivu nes boques del nuesu Pueblu.

Tamién el Gobiernu del Principau ye responsable, nesti casu de llexislar les midíes que seyan necesaries pa un normal usu de la llingua a tolos niveles... Pero paez que los nuesos politicos [Salvo rares esceiciones] nun tienen traza de querer ponese al llabor y siguen escaeciendo la nuesa llingua, sigue dando-yos vergoña falar en publicu n'asturianu. L'asturianu ye'l bien cultural más carauterísticu y peculiar d'Asturies, y si dexamos qu'esti muerra, Asturies escaecerá ún de los trazos más importantes de la so personalidá.

Non al emplegu del asturianu en delles ocasiones y dellos llugares. Sí a un emplegu dafechu darréu. ¡¡Puxa Asturies y Puxa la nuesa llingua!!

Fonte: Infoasturies