L’Aconceyamientu de Xuristes pol Asturianu denuncia que la Procuradora Xeneral d’Asturies, equivalente al cargu de defensor del pueblu n’otros llugares, “vulnera un drechu humanu xustamente na convocatoria de la primer edición del premiu denomáu d'Amparu de Drechos y Llibertaes” al nun permitir la presentación de convocatories usando l’asturianu, como afita la Llei d’Usu del Asturianu de 1998, y piden la rectificación nes bases d’esti certame.AXA albidra que “llaceriosamente los asturianos tamos tan avezaos a carecer actos de despreciu pol drechu al emplegu de la nuesa llingua protagonizaos pol gobiernu Areces y tolo que da vueltes alrodiu d’elli” que nun ven novedá na necesidá de denunciar esti tipu de fechos.
La organización de xuristes presidida por Xurde Blanco recuerda que “la llingua tradicional del país énte los muérganos del Principáu d’Asturies ye un drechu fundamental proclamáu pelos artículos 2 de la Declaración Universal de los Drechos Humanos y 14 del Conveniu Européu de Drechos Humanos; recoyíu na Constitución Española, artículos 2, 14 y 96; ya interpretáu pel Tribunal Constitucional per dos vegaes: sentencia 48/2000 y autu de 25 de febreru de 2010”.
Ye por estes razones qu’AXA espera la rectificación nestes bases per parte de la Procuradoría Xeneral d’Asturies, pa lo que yá presentaron la correspondiente.
Fonte: Asturnews
Si la Procuradora Xeneral ye quien tien que defender los drechos de los ciudadanos, y discrimina a los qu'usen la llingua propia del país, vaya plan.
ResponderEliminar"“llaceriosamente los asturianos tamos tan avezaos a carecer actos de despreciu pol drechu al emplegu de la nuesa llingua protagonizaos pol gobiernu Areces y tolo que da vueltes alrodiu d’elli” que nun ven novedá na necesidá de denunciar esti tipu de fechos."
ResponderEliminarPues nun ye asina, porque sí hai que los denunciar en tou momentu pa que se respete la nuesa dignidá d'asturianos y la llingua del país.