- El certame en recuerdu d'Ígor Medio y Carlos Redondo va celebrase'l vienres y el sábadu.
Esti miércoles presentóse nel Café Trisquel la novena edición del Festival N'Alcordanza, que coincide col décimu cabudañu del tráxicu accidente de tráficu que finó cola vida de los dos músicos asturianos en San Xuan cuando diben de Tresona a Catalunya a tocar con Felpeyu. Ruma Barbero, David Cantalejo, Boni Pérez y Rubén Ardura, organizadores del eventu, encargáronse d'ufrir tolos detalles d'un certame col que la música asturiana nun quier dexar nel escaezu la memoria de los mui queríos Medio y Redondo.
Los conciertos d'esta edición son los siguientes:
- Vienres 24 de xunu: ¿Aú? (20 hores, Toma 3) y Medication/2, Black Horde y Lombardi (22 hores, Morrison).
- Sábadu 25 de xunu: El Tamar & Jerónimo Granda (13 hores, Plaza Doze); Herbamora (14.30 hores, Canteli); Tuenda y Felpeyu (16 hores, La Vida Alegre); Les Barbares Barbus y Vrienden (18 hores, Trisquel); Luis Núñez y Los Folgazanes, Fredi FFM y Seesounds (20 hores, El Patio la Favorita); y Keep Karma, Sangrientos, Radio Fox y Blue Dog Avenue (00 hores, Savoy).
L'alcordanza d'Igor Mediu y de Carlos Redondo ta extraordinariamente bien y ye dignu d'aplausu: sobresaliente. Pero agora pregunto yo: ¿y ónde queda l'alcordanza pa otros compañeros como Bertu "Turulla" que morrió lletrocutáu nun escenariu y otros músicos que tamién quedaron n'a carretera nel raxón del trabayu veraniegu?
ResponderEliminarLos organizadores modernillos de coses y eventos que nun sepan (son bastantes los que nun saben munches coses elementales de la música asturiana) quién yera Bertu "Turulla" que pregunten.
ResponderEliminarCola (de xuru) sana escusa d'homenaxar a Igor y a Carlos, Barberu y compañía entamen una amuesa y exhibición de grupos asturianos por distintos locales que-yos va a venir perbién a toos. Pero si fuera esi'l motivu alcordaríense tamién de dalgunos otros que se dexaron la vida viaxando nos branos asturianos de romería en romería por carreteres, calellas y praos. Nun me val, Barbero y cía.
ResponderEliminarEn tiempos pasaos apenes se cantaba n'asturianu como agora pos nun yera nada fácil publicar álbumes na llingua de Xovellanos, yera frutu de los tiempos en que se vivía. Pero había enforma trabayu pa toos, munches actuaciones en tolos pueblos y aldegues.
ResponderEliminarAgora los grupos musicales tiénense que conformar con un conciertu" d'una hora cada mes... si ye que llega.
ResponderEliminar