N’Ast amosó al traviés d’un comunicáu la so satisfaición pol ésitu del festival musical ‘Xixón fala n’asturianu’, entamáu pola Conceyalía de Cultura Tradicional del conceyu, cola collaboración de la Oficina de la Llingua, pero considera qu’esta triba d’actos “nun puen xustificar la falta d’una planificación, pública y asumida pol consistoriu xixonés, que garantice la normalización llingüística nel conceyu”, entamando, recuerden “pol respetu a los asturfalantes y que siga pola potenciación y deprendimientu de la nuesa llingua, énte’l conxuntu de la población xixonesa, con especial enfotu nel coleutivu inmigrante que s’afaya desatendíu dafechu nesi aspeutu”.
N’Ast ve con esmolecimientu como “mientres se faen cellebraciones como la enantes mencionada, sigue ensin dase una situación de normalidá democrática en materia llingüística, tanto no que cinca a la toponimia, qu’en munchos casos nun respeta la propia normativa municipal, como en cuantes a garantizar l’acesu a la documentación y la información n’asturianu, nin munchu menos exercer el llexítimu drechu a caltener la comunicación col Ayuntamientu en llingua asturiana”.
Nesti sen, encamienta a la Oficina de política llingüística, a la Conseyería de Cultura Tradicional, y a tolos partíos con responsabilidaes municipales, “a tomar en serio la cuestión llingüística, y aplicar midíes práutiques que valgan pa garantizar los drechos llingüísticos de los xixoneses y aíden a normalizar la nuesa llingua en Xixón”.
Fonte: Asturnews
Munchu ruxiu i poques ñueces,si que ye per bonu facer isto, poro la mesma casa del Conceyu non fai nada pa normalizar la Llingua.
ResponderEliminarLes coses tienen que facese dende dientro.Que camudo en Xixon con la toponimia,nada ye dificil fayar un rotulu n'asturianu...Fechu pa non usalo, ye asina.
Si no se trabaya por nuesa coltura non imos lloñi!!
Ye otru pasiquín más, les coses van llográndose dando un pasu detrás d'otru. Pero tien razón l'Anónimu de que l'Ayuntamiento Xixón podría faer muncho más pola llingua y pola oficialidá. P'alantre ensin posa.
ResponderEliminarsolo falta que la Xunta Xeneral afite:Asturies fala n'asturianu...aprobando la Oficialidá y el denseldocu de la normalización social.Nun hai otra.
ResponderEliminarLa oficialidá trai arreyada la normalización y non al aviesu. Ye imprescindible pa la nuesa llingua.
ResponderEliminarye lo que pon, la Oficialidá y el desendocu la normalización, non el desendolcu la normalización y la Oficialidá.
ResponderEliminar¿"Braera normalidá"?, ¿nun sedrá "verdadera normalidá"? El significáu pue cambiar muncho d'una frase a otra.
ResponderEliminar